Kerala

സിദ്ധാർത്ഥിന്റെ കൊലപാതകത്തിൽ പ്രഖ്യാപിച്ച സിബിഐ അന്വേഷണത്തിൽ തുടർനടപടികളിൽ ആഭ്യന്തര വകുപ്പിന് ഗുരുതര വീഴ്ച; പെർഫോർമ റിപ്പോർട്ട് നൽകാതെ സംസ്ഥാന സർക്കാരിന്റെ ഒത്തുകളി പ്രതികളെ രക്ഷിക്കാൻ ? വിജ്ഞാപനം കൈമാറുന്നതിലും നടപടിക്രമങ്ങൾ പാലിക്കാതെ സർക്കാർ

തിരുവനന്തപുരം: സിദ്ധാർത്ഥിന്റെ കൊലപാതകത്തിൽ പ്രഖ്യാപിച്ച സിബിഐ അന്വേഷണത്തിലെ നടപടിക്രമങ്ങളിൽ ഗുരുതര വീഴ്ചയെന്ന് റിപ്പോർട്ട്. ഈ മാസം 9 നാണ് സിദ്ധാർത്ഥിന്റെ അച്ഛൻ മുഖ്യമന്ത്രിയെ കണ്ടത്. അന്ന് തന്നെ പ്രതിഷേധം തണുപ്പിക്കാൻ മുഖ്യമന്ത്രി സിബിഐ അന്വേഷണത്തിന് ഉത്തരവിട്ട് വിജ്ഞാപനം ഇറക്കിയിരുന്നു. എന്നാൽ നാളുകളേറെയായിട്ടും തുടർനടപടിക്രമങ്ങൾ പൂർത്തിയാക്കാത്ത സർക്കാരിന്റെ നടപടിയിൽ ദുരൂഹതയേറുന്നു. ഇന്നലെ കേന്ദ്രമന്ത്രി രാജീവ് ചന്ദ്രശേഖർ ഈ വീഴ്ച ചൂണ്ടിക്കാട്ടിയതോടെയാണ് വിഷയം ചർച്ചയായത്. സിദ്ധാർത്ഥിന്റെ അച്ഛൻ ഇന്നലെ കേന്ദ്രമന്ത്രിയെയും ഗവർണറേയും കണ്ടിരുന്നു. 9 ന് പ്രസിദ്ധീകരിച്ച വിജ്ഞാപനം സർക്കാർ ഈ മാസം 16 നാണ് സിബിഐക്ക് കൈമാറിയത്.

സാധാരണ നടപടിക്രമം അനുസരിച്ച് വിജ്ഞാപനവും മറ്റനുബന്ധ രേഖകളും പോലീസ് ആസ്ഥാനത്ത് തയ്യാറാക്കി ഉന്നത ഉദ്യോഗസ്ഥൻ ദില്ലിയിൽ സിബിഐ ആസ്ഥാനത്ത് നേരിട്ട് കൈമാറി അവിടെനിന്നും അക്‌നോളഡ്ജ്മെന്റ് കൈപ്പറ്റുകയാണ് പതിവ്. കൂടാതെ രേഖകൾ ഇമെയിൽ മുഖാന്തിരവും പോസ്റ്റ് വഴിയും സിബിഐ ആസ്ഥാനത്ത് കൈമാറും. എന്നാൽ സിദ്ധാർഥ് കേസിൽ വിജ്ഞാപനം കൈമാറുന്നതിൽ കാലതാമസം ഉണ്ടായെന്നു മാത്രമല്ല നടപടിക്രമങ്ങളും പാലിച്ചില്ല. ദില്ലിയിലെത്തി നേരിട്ട് കൈമാറുന്നതിന് പകരം അനുബന്ധ രേഖകളില്ലാതെ വിജ്ഞാപനം മാത്രം കൊച്ചി യൂണിറ്റിന് കൈമാറുകയാണുണ്ടായത്. ഏത് യൂണിറ്റാണ് അന്വേഷിക്കേണ്ടതെന്ന് തീരുമാനിക്കുന്നത് സിബിഐ ആണെന്നിരിക്കെ കൊച്ചി യൂണിറ്റിന് വിജ്ഞാപനം കൈമാറിയതിലെ യുക്തിയും ചോദ്യംചെയ്യപ്പെടുന്നുണ്ട്.

അനുബന്ധ രേഖകളിൽ ഏറ്റവും പ്രധാനപ്പെട്ട പെർഫോർമ റിപ്പോർട്ടും ഇതുവരെ സിബിഐക്ക് കൈമാറിയിട്ടില്ല. കേസിന്റെ പ്രത്യേകതകളും വിശദാംശകളും, സിബിഐ അന്വേഷിക്കേണ്ടതിന്റെ ആവശ്യകത, ആരെയെങ്കിലും അറസ്റ്റ് ചെയ്തിട്ടുണ്ടെങ്കിൽ അതിന്റെ വിശദാംശങ്ങൾ തുടങ്ങിയ കാര്യങ്ങൾ അടങ്ങിയ രേഖയാണ് പെർഫോർമ റിപ്പോർട്ട്. ഈ സുപ്രധാന റിപോർട്ട് ഇതുവരെയും നൽകിയിട്ടില്ലെന്ന് മാത്രമല്ല പോലീസ് ആസ്ഥാനത്ത് ഇത് തയ്യാറാക്കി തുടങ്ങിയത് ഇന്നലെ കേന്ദ്രമന്ത്രി വീഴ്ച്ച ചൂണ്ടിക്കാട്ടിയതിന് ശേഷം മാത്രമാണ് എന്ന സൂചനയും പുറത്തുവരുന്നുണ്ട്. മലയാളത്തിൽ തയ്യാറാക്കിയിട്ടുള്ള എഫ് ഐ ആർ അടക്കമുള്ള രേഖകൾ വിവർത്തനം ചെയ്‌ത്‌ സമർപ്പിക്കേണ്ടതുമുണ്ട് . തുടക്കം മുതലേ എസ് എഫ് ഐക്കാരായ പ്രതികളെ രക്ഷിക്കാൻ ശ്രമിക്കുന്നു എന്ന ആരോപണം നേരിടുന്ന സർക്കാർ സിബിഐ അന്വേഷണം സംബന്ധിച്ച നടപടിക്രമങ്ങൾ വൈകിപ്പിക്കുന്നതിൽ ദുരൂഹതയേറുന്നു. തെളിവുകൾ നശിപ്പിക്കാനാണെന്ന ആരോപണം സിദ്ധാർത്ഥിന്റെ കുടുംബം ഇതിനോടകം ആരോപിച്ചു കഴിഞ്ഞു.

B4 Admin

Recent Posts

ചക്കുളത്തുകാവ് പൊങ്കാല മഹോത്സവത്തിന് വിപുലമായ സുരക്ഷാ ഒരുക്കങ്ങൾ: ഭക്തജനങ്ങൾക്ക് പൂർണ്ണ സുരക്ഷയും സൗകര്യങ്ങളും ഉറപ്പാക്കാൻ കളക്ടറേറ്റിൽ ഉന്നതതല അവലോകനയോഗം!

വിശ്വപ്രസിദ്ധമായ ചക്കുളത്തുകാവ് ശ്രീഭഗവതി ക്ഷേത്രത്തിലെ പൊങ്കാല മഹോത്സവത്തിന് എത്തുന്ന ലക്ഷക്കണക്കിന് വിശ്വാസികൾക്ക് യാതൊരുവിധ ബുദ്ധിമുട്ടുകളും കൂടാതെ ദർശനവും പൊങ്കാല സമർപ്പണവും…

12 hours ago

ആഗോള രാഷ്ട്രീയ വേദികളിൽ ഭാരതത്തിന്റെ മാതൃകാപരമായ കരുത്ത് അംഗീകരിക്കപ്പെടുന്നു: ക്വാഡ് ഉച്ചകോടിയിൽ പ്രധാനമന്ത്രി നരേന്ദ്ര മോദിയെ പ്രശംസിച്ച് ഡൊണാൾഡ് ട്രംപ്!

ഫിലിപ്പീൻസിലെ മനിലയിൽ നടന്ന നിർണ്ണായകമായ ക്വാഡ് ഉച്ചകോടിക്കിടെ ഭാരതത്തിന്റെ പ്രധാനമന്ത്രി നരേന്ദ്ര മോദിയെ അതിശക്തനായ ഭരണാധികാരിയെന്ന് വിശേഷിപ്പിച്ച് ഡൊണാൾഡ് ട്രംപ്…

13 hours ago

അയ്യപ്പസന്നിധിയിൽ ഇനി തനത് കേരളീയ സദ്യ: പുലാവും ഉപ്പുമാവും മാറ്റി സമ്പൂർണ്ണ സദ്യ വിളമ്പി തിരുവിതാംകൂർ ദേവസ്വം ബോർഡ്!

മണ്ഡലകാല തീർത്ഥാടനത്തിന് ഭക്തിസാന്ദ്രമായ തുടക്കമായതോടെ, ശബരിമല സന്നിധാനത്തെ അന്നദാന മണ്ഡപത്തിൽ എത്തുന്ന അയ്യപ്പഭക്തർക്കായി തനത് കേരളീയ സദ്യ വിളമ്പുന്ന പുതിയ…

13 hours ago

ബംഗ്ലാദേശ് രാഷ്ട്രീയ സംഘർഷം ലണ്ടൻ തെരുവുകളിലേക്ക്: അവാമി ലീഗ് പ്രതിഷേധത്തെ തുടർന്ന് എൻസിപി നേതാവ് നഹിദ് ഇസ്ലാം പിൻവാതിലിലൂടെ രക്ഷപ്പെട്ടു!

ബംഗ്ലാദേശിലെ കലുഷിതമായ രാഷ്ട്രീയ അന്തരീക്ഷം രാജ്യത്തിന്റെ അതിരുകൾക്കും അപ്പുറത്തേക്ക് പടരുന്നതിന്റെ ഞെട്ടിക്കുന്ന കാഴ്ചകളാണ് ലണ്ടനിൽ നിന്ന് പുറത്തുവരുന്നത്. നാഷണൽ സിറ്റിസൺ…

17 hours ago

കളിക്കളത്തിൽ നിന്ന് ടീം മാനേജ്‌മെന്റിലേക്ക്: ചെന്നൈ സൂപ്പർ കിങ്‌സിൽ പുതിയ ദൗത്യവുമായി എം.എസ് ധോണി

ഐപിഎല്ലിലെ ചെന്നൈ സൂപ്പർ കിങ്‌സിന്റെ ചരിത്രത്തിൽ നിർണായക അധ്യായങ്ങൾ എഴുതിച്ചേർത്ത എം.എസ്. ധോണി ഇനി പുതിയ റോളിലേക്ക്. താരമെന്ന നിലയിൽ…

17 hours ago

ശബരിമല തീർത്ഥാടകരുടെ അധിക യാത്രാനിരക്ക് കുറയ്ക്കണം സൗജന്യ ബസ് സർവീസിന് സംഘടനകളെ അനുവദിക്കണം: ബിജെപി

തിരുവനന്തപുരം : ശബരിമല മണ്ഡല മകരവിളക്ക് തീർത്ഥാടനത്തോടനുബന്ധിച്ച് നിലയ്ക്കൽ–പമ്പ റൂട്ടിൽ കെ.എസ്.ആർ.ടി.സി. ഈടാക്കുന്ന അധിക യാത്രാനിരക്ക് കുറയ്ക്കണമെന്ന് ബിജെപി സംസ്ഥാന…

17 hours ago