ബെംഗളൂരു: കര്’നാടക’ത്തിന് അന്ത്യം കുറിച്ചപ്പോള് അധികാരം കൈവിട്ടു പോയ കോണ്ഗ്രസ്-ജെഡിഎസ് സഖ്യത്തിലെ ജെഡിഎസ് ഇപ്പോള് അവരുടെ പ്രവര്ത്തകരെ ആശ്വസിപ്പിക്കുന്നതിനായുള്ള ശ്രമത്തിലാണ്. പാര്ട്ടി പ്രവര്ത്തകരുടെ പരാതികള് കേള്ക്കാതിരുന്ന നേതൃത്വം കോണ്ഗ്രസുമായുള്ള സഖ്യത്തെ കുറിച്ച് ചര്ച്ച ചെയ്യാന് കഴിഞ്ഞ ദിവസം യോഗം ചേര്ന്നു.
പാര്ട്ടി പ്രവര്ത്തകരെ അമ്പരപ്പിച്ചാണ് യോഗത്തില് ദേവഗൗഡ സംസാരിച്ചത്. 14 മാസത്തെ കോണ്ഗ്രസുമായുള്ള സഖ്യത്തിന് ശേഷമായിരുന്നു ദേവഗൗഡയുടെ പ്രസ്താവന. കോണ്ഗ്രസ് ഒരു ശാപമാണെന്നും അവരുമായുള്ള സഖ്യം ഒരു തെറ്റായിരുന്നെന്നുമാണ് ദേവഗൗഡ യോഗത്തില് പറഞ്ഞത്.
യോഗത്തില് വികാരഭരിതനായി പൊട്ടിത്തെറിച്ച എച്ച്.ഡി കുമാരസ്വാമി തനിക്കൊരിക്കലും സ്വതന്ത്രമായി ഭരിക്കാന് കഴിഞ്ഞില്ലെന്ന് വ്യക്തമാക്കി. തന്റേത് ഭഗവാന് ശിവനെ പോലെ വിഷം കഴിച്ച അവസ്ഥയായിരുന്നു. അത് ഭരണത്തില് പരിമിതികള് സൃഷ്ടിച്ചു. എല്ലാ പരിമിതികളേയും തൂത്തെറിയുന്നതിനെ കുറിച്ച് ചിന്തിച്ചിരുന്നെന്നും എച്ച് ഡി കുമാരസ്വാമി പറഞ്ഞു.
മുഖ്യമന്ത്രിയായി ചുമതലയേറ്റ ശേഷം ഞാന് കണ്ണീര് പൊഴിച്ചത് നിങ്ങള് ഓര്ക്കുന്നുണ്ടാകും. നിങ്ങളുടെ പ്രതീക്ഷകളെ ഞാന് കണ്ടില്ലെന്നതു കൊണ്ടാണ് അങ്ങനെ സംഭവിച്ചത്. കോണ്ഗ്രസിന്റെ 80 എം.എല്.എമാരുമായി തട്ടിക്കുമ്പോള് ജെ.ഡി.എസിന് 37 എംഎല്എമാര്. ഞാന് കോണ്ഗ്രസിനോട് ബാദ്ധ്യതയുള്ളവനെന്ന് തോന്നി. – എച്ച് ഡി കുമാരസ്വാമി തുറന്നടിച്ചു.
ബാക്കിയുള്ള കാലാവധിയായ മൂന്ന് വര്ഷവും എട്ട് മാസവും ബി.ജെ.പി സര്ക്കാര് തന്നെ ഭരിക്കണമെന്നാണ് ആഗ്രഹമെന്നും എന്നാല് അതിന് ശേഷം തങ്ങളുടെ അവസ്ഥ എന്താകുമെന്ന് അറിയില്ലെന്നും ജാഗ്രത പാലിക്കുമെന്നും എച്ച് ഡി ദേവഗൗഡ പറഞ്ഞു.
രാജ്യത്തുടനീളം നക്സൽ-മാവോയിസ്റ്റ് ഭീകരതയെ തുടച്ചുനീക്കി സുരക്ഷയും വികസനവും ഉറപ്പാക്കുന്നതിൽ കേന്ദ്ര സർക്കാർ ചരിത്രപരമായ മുന്നേറ്റങ്ങൾ കൈവരിക്കുമ്പോൾ, ദശകങ്ങളോളം ചുവപ്പ് ഭീകരതയുടെ…
ചക്കുളത്തുകാവ്: പ്രസിദ്ധ തീർത്ഥാടന കേന്ദ്രമായ ചക്കുളത്തുകാവ് ശ്രീഭഗവതി ക്ഷേത്രത്തിലെ കാർത്തിക പൊങ്കാല മഹോത്സവത്തിന് മുന്നോടിയായി നിലവറദീപം തെളിഞ്ഞു. പൊങ്കാലയുടെ വരവറിയിച്ചുകൊണ്ടുള്ള…
ശബരിമല തീർത്ഥാടനത്തിന് മാലയിട്ട് വ്രതം ആരംഭിക്കുന്നതിനൊപ്പം ഒരു തീരുമാനവും എടുത്തിരുന്നു ഉപ്പുതറ എസ്.എച്ച്.ഒ ബേബി ബിജു. ചപ്പാത്ത് ക്ഷേത്രത്തിലെ വിഗ്രഹ…
തമിഴ്നാട്ടിലെ മധുര തിരുപ്പറംകുണ്ഡ്രം മലയിൽ കാർത്തിക ദീപം തെളിയിക്കുന്നതുമായി ബന്ധപ്പെട്ട വിവാദം പുതിയ തലത്തിലേക്ക്. ദീപം തെളിയിക്കാൻ മല കയറുന്ന…
അന്താരാഷ്ട്ര ലഹരിമരുന്ന് കടത്ത് ശൃംഖലയ്ക്കെതിരെ നിർണായക നീക്കവുമായി ഇന്ത്യയുടെ നാർക്കോട്ടിക്സ് കൺട്രോൾ ബ്യൂറോ (എൻസിബി). അമേരിക്കൻ ഡ്രഗ് എൻഫോഴ്സ്മെന്റ് അഡ്മിനിസ്ട്രേഷനുമായി…
അമേരിക്കൻ വിപണിയിലേക്ക് അനധികൃതമായി മയക്കുമരുന്നും സൈക്കോട്രോപിക് ഗുളികകളും കടത്തിയിരുന്ന വൻ അന്താരാഷ്ട്ര ശൃംഖലയുടെ ഇന്ത്യൻ കണ്ണികൾക്കെതിരെ നാർക്കോട്ടിക് കൺട്രോൾ ബ്യൂറോ…