തിരുവനന്തപുരം: മുസ്ലിം ലീഗിനെതിരേ രൂക്ഷ വിമർശനവുമായി ഡിവൈഎഫ്ഐ സംസ്ഥാന സെക്രട്ടറി എ.എ. റഹീം രംഗത്ത്. ലീഗ് ഒരു കൊള്ളസംഘമാണന്നും ഒരു സമുദായത്തെ മറയാക്കി തടിച്ചു കൊഴുത്തതാണന്നും റഹിം തുറന്നടിച്ചു .
ചന്ദ്രികയിലെ കള്ളപ്പണ നിക്ഷേപ കേസിൽ ലീഗ് സംസ്ഥാന പ്രസിഡന്‍റ് ഹൈദരലി ശിഹാബ് തങ്ങളെ എന്‍ഫോഴ്‌സ്‌മെന്‍റ് ഡയറക്ടറേറ്റ് (ഇഡി) ചോദ്യം ചെയ്തെന്ന കെ.ടി ജലീല്‍ എംഎല്‍എയുടെ വെളിപ്പെടുത്തലിന് പിന്നാലെയാണ് റഹീമിന്‍റെ വിമർശനം.
അഴിമതിക്കും, കോടികളുടെ കള്ളപ്പണ ഇടപാടുകൾക്കുമുള്ള ഉപകരണം മാത്രമാണ് ലീഗിന് അധികാരം എന്നത്. നേതാക്കൾക്കെതിരേ ആക്ഷേപം ഉന്നയിക്കപ്പെടുമ്പോൾ മത വിശ്വാസത്തെ മുൻ നിർത്തി അവർ നേരിടാനാണ് ശ്രമിക്കുന്നതെന്നും റഹീം പറയുന്നു.
