മണിപ്പുരിലെ സർക്കാർ ജീവനക്കാർക്ക് ഈസ്റ്റർ ദിനത്തിൽ അവധി. ഈസ്റ്റർ ദിനത്തിന് പുറമെ ദുഃഖവെള്ളിക്കും അവധി നൽകിയിട്ടുണ്ട്. സംസ്ഥാന സർക്കാരിന് കീഴിലുള്ള പൊതുമേഖല സ്ഥാപനങ്ങൾ, കോർപറേഷനുകൾ, സൊസൈറ്റികൾ, സ്വയംഭരണ സ്ഥാപനങ്ങൾ എന്നിവയിലെ ജീവനക്കാർക്കും ഉദ്യോഗസ്ഥർക്കും അവധി ബാധകമാണ്. നേരത്തെ ഈ ദിനങ്ങൾ പ്രവൃത്തി ദിനങ്ങളാക്കി പ്രഖ്യാപിച്ച് പുറത്ത് വന്ന ഉത്തരവ് പിൻവലിച്ചു.
സാമ്പത്തിക വര്ഷത്തിന്റെ അവസാന ദിവസങ്ങളിലെ സർക്കാർ ഓഫിസുകളുടെ പ്രവർത്തനം സുഗമമാക്കുക എന്നത് ചൂണ്ടിക്കാട്ടിയാണ് അവധി പിൻവലിച്ചിരുന്നത്.