ശബരിമലയിലെ ആചാരങ്ങൾ സംരക്ഷിക്കുവാനും ഭക്തർക്ക് അടിസ്ഥാനസൗകര്യം ഒരുക്കുന്നതിനും സർക്കാരും ദേവസ്വം ബോർഡും സത്വര നടപടികൾ സ്വീകരിക്കണമെന്ന് അയ്യപ്പഭക്ത സംഘടനകളുടെ അടിയന്തരയോഗം ആവശ്യപ്പെട്ടു. പന്തളം കൊട്ടാരത്തിന്റെ നേതൃത്വത്തിൽ വിവിധ അയ്യപ്പഭക്ത സംഘടനകളുടെ ഭാരവാഹികൾ ഇന്നലെ പന്തളം കൊട്ടാരത്തിൽ ചേർന്ന യോഗത്തിൽ വച്ചാണ് ഈ ആവശ്യം മുന്നോട്ടുവെച്ചത്. കഴിഞ്ഞ കുറെ വർഷങ്ങളായി ശബരിമല തീർത്ഥാടകർ അനുഭവിക്കുന്ന കൊടിയ പീഡനവും ബുദ്ധിമുട്ടുകളും കണ്ടില്ലെന്ന് നടിക്കാനാവില്ല. ശബരിമലയിൽ കാലാനുസൃതമായ പരിഷ്കാരങ്ങൾ അനിവാര്യമാണ് എന്നാൽ അതിന്റെ പേരിൽ ഭക്തരെ പീഡിപ്പിക്കുന്നത് അവസാനിപ്പിക്കണമെന്നും കാലാകാലങ്ങളിൽ മാറിവരുന്ന സർക്കാരും ബോർഡും ഭക്തരെ ചൂഷണം ചെയ്യുക എന്നത് ഒഴിച്ചാൽ ഒരു അടിസ്ഥാന സൗകര്യങ്ങളും ഒരുക്കിയിട്ടില്ലെന്നും യോഗം അഭിപ്രായപ്പെട്ടു.
ശബരിമലയിൽ തീർത്ഥാടന കാലത്ത് രാജ്യത്തിനകത്തും പുറത്തുനിന്നുമായി ദശലക്ഷക്കണക്കിന് ഭക്തരാണ് എത്തുന്നത്. എന്നാൽ കോവിഡ് മഹാമാരിയുടെ കാലത്ത് ചില നിയന്ത്രണങ്ങൾ ഏർപ്പെടുത്തേണ്ടി വന്നു.അതിന്റെ മറപിടിച്ച് ശബരിമലയിൽ എത്തുന്ന തീർത്ഥാടകരെ നിയന്ത്രിക്കുക എന്ന ഗൂഡ ലക്ഷ്യത്തോടെയാണ് വെർച്ചൽ ക്യൂ സംവിധാനം കൊണ്ടുവന്നത്. യഥാർത്ഥത്തിൽ ഭക്തരുടെ വിവരശേഖരണം ആണ് സർക്കാർ ലക്ഷ്യമിടുന്നത്. നിരവധി ഭക്തർ ദിവസങ്ങളും മാസങ്ങളും എടുത്ത് കാൽനടയായി വ്രതശുദ്ധിയോടെ ശബരിമലയിലേക്ക് വരാറുണ്ട്. കാലാവസ്ഥയും മറ്റ് അസ്വസ്ഥതകളും ഗതാഗതസംവിധാനങ്ങളിലെ പ്രശ്നങ്ങളും കാരണം വെർച്വൽ ക്യൂ ബുക്ക് ചെയ്ത സമയത്ത് തന്നെ അവർക്ക് എത്തിപ്പെടാൻ സാധിക്കില്ല. ഇത്തരത്തിലുള്ള ഭക്തരുടെ ബുദ്ധിമുട്ടുകൾ കണ്ടില്ലെന്ന് നടിക്കരുതെന്ന് യോഗം ആവശ്യപ്പെട്ടു.
കോടിക്കണക്കിന് രൂപ സംസ്ഥാനത്തിന് വരുമാനം ലഭിക്കുന്ന ഈ കാനനക്ഷേത്രത്തിലെ തീർത്ഥാടനം സുഗമമാക്കേണ്ടത് സർക്കാരിന്റെയും അതിലേറെ ദേവസ്വം ബോർഡിന്റെയും കടമയാണ്.കഴിഞ്ഞ ഏതാനും കാലങ്ങളായി തീർത്ഥാടനം നിയന്ത്രിക്കുന്നത് പോലീസാണ്.ഭക്തർക്ക് സുരക്ഷ ഒരുക്കേണ്ട പോലീസ് ശബരിമലയിൽ ബോർഡിനെ നോക്കുകുത്തിയാക്കിഭരണം നിയന്ത്രിക്കുന്ന അവസ്ഥയാണ്.
ഇത്തരം നിരവധി വിഷയങ്ങൾ അടിയന്തര യോഗത്തിൽ ചർച്ച ചെയ്തു. ഇതിന്റെ ഭാഗമായി ഒക്ടോബർ 16ന് തിരുവാഭരണ മാളികയിൽ നാമജപ പ്രാർത്ഥനയും 26ന് വൈകിട്ട് മൂന്ന് മണിക്ക് ശബരിമലയുമായി ബന്ധപ്പെട്ട് പ്രവർത്തിക്കുന്ന എല്ലാ അയ്യപ്പഭക്ത സംഘടനകളുടെയും ക്ഷേത്ര ഭാരവാഹികളുടെയും യോഗം ചേരാനും ഒരു കർമ്മ പദ്ധതിക്ക് രൂപം നൽകുവാനും തീരുമാനമായി . പന്തളം കൊട്ടാരം നിർവാഹക സംഘം അദ്ധ്യക്ഷൻ എൻ ശങ്കർ വർമ്മ അദ്ധ്യക്ഷത വഹിച്ച യോഗത്തിൽ ആചാര സംരക്ഷണസമിതി സെക്രട്ടറി ജി പൃഥ്വിപാൽ സ്വാഗതം ആശംസിച്ചു. അയ്യപ്പ സേവാസമാജം സംസ്ഥാന അദ്ധ്യക്ഷൻ അക്കീരമൺ കാളിദാസ ഭട്ടതിരി യോഗം ഉദ്ഘാടനം ചെയ്തു. പന്തളം കൊട്ടാരം നിർവാഹക സംഘം മുൻ സെക്രട്ടറി പി എൻ നാരായണവർമ്മ വിശദീകരണം നൽകി. അയ്യപ്പ സേവാ സംഘം സംസ്ഥാന പ്രസിഡന്റ് നരേന്ദ്രൻ നായർ കൊട്ടാരം നിർവാഹക സംഘം ട്രഷറർ ദീപാവർമ്മ ആചാര സംരക്ഷണ സമിതി അംഗം എം ബി ബിനു കുമാർ അയ്യപ്പ സേവാ സമാജം സംസ്ഥാന സെക്രട്ടറി അഡ്വക്കേറ്റ് ജയൻ ചെറുവള്ളിൽ ഹരിഹരപുത്ര സേവാ സംഘം ജനറൽ സെക്രട്ടറി അനിൽ വാത്തിക്കുളം കൊട്ടാരം നിർവാഹസംഗം വൈസ് പ്രസിഡന്റ് അരുൺ വർമ്മ എന്നിവർ പ്രസംഗിച്ചു
രാജ്യത്തെ വിവിധ സംസ്ഥാനങ്ങളിൽ നടന്ന സുപ്രധാന ഉപതിരഞ്ഞെടുപ്പുകളിൽ ബിജെപിക്കും എൻഡിഎ സഖ്യത്തിനും വൻ മുന്നേറ്റം. പശ്ചിമ ബംഗാളിലെ നന്ദിഗ്രാം, റെജിനഗർ,…
ദില്ലി : ഒക്ടോബര്‍ 10ന് ജന്തര്‍ മന്തറില്‍ നടത്താന്‍ ആഹ്വാനം ചെയ്ത സിജെപിയുടെ പ്രതിഷേധത്തിന് അനുമതി നല്‍കാനാകില്ലെന്ന് ദില്ലി പൊലീസ്…
തിരഞ്ഞെടുപ്പ് കമ്മീഷന്‍ ഉള്‍പ്പെടെയുള്ള ഭരണഘടനാ സ്ഥാപനങ്ങളെ ദുര്‍ബലപ്പെടുത്താനുള്ള ശ്രമങ്ങള്‍ക്കെതിരെ മുന്നറിയിപ്പുമായി 42 മുന്‍ ജഡ്ജിമാര്‍ തുറന്ന കത്ത് പുറത്തിറക്കി. ഇത്തരം…
യമനിലെ ഹൂത്തി വിമതര്‍ സൗദി അറേബ്യയിലെ വിമാനത്താവളങ്ങള്‍ക്ക് നേരെ നടത്തുന്ന ആക്രമണങ്ങളുടെ പശ്ചാത്തലത്തില്‍, സൗദിയിലുള്ള ഇന്ത്യന്‍ പൗരന്മാര്‍ ജാഗ്രത പാലിക്കണമെന്നും…
ഉത്തര്‍പ്രദേശിലെ സോണ്‍ഭദ്ര ജില്ലയില്‍ നിയന്ത്രണം വിട്ട ഇന്ധന ടാങ്കര്‍ മറിഞ്ഞ് ഏകദേശം 14,000 ലിറ്റര്‍ ഡീസല്‍ റോഡില്‍ ഒഴുകിപ്പരന്നതിനെ തുടര്‍ന്ന്…
തന്റെ ചൂതാട്ട ഭ്രമം തീര്‍ക്കാനായി ലാസ് വേഗാസില്‍ വെച്ച് 14 പുരുഷന്മാരെ വിവാഹം കഴിച്ച യുഎസ് വനിതയ്ക്ക് തടവുശിക്ഷയും 280,000…