എണ്ണമയമുള്ള ചർമ്മത്തെ പരിപാലിക്കുക എന്നത് വളരെ ബുദ്ധിമുട്ടുള്ള കാര്യമാണ്. അമിതമായ എണ്ണമയം, തുറന്ന ചർമ്മ സുഷിരങ്ങൾ, മുഖത്തെ വഴുവഴുപ്പ്, മുഖക്കുരു എന്നിവ എല്ലാം ഒരേസമയം നിങ്ങൾ കൈകാര്യം ചെയ്യുവാൻ ശ്രമിക്കുന്നതിനാലാണിത്! ഒറ്റരാത്രികൊണ്ട് നിങ്ങൾക്ക് ഈ പ്രശ്നങ്ങളിൽ നിന്ന് മുക്തി നേടാൻ കഴിയില്ലെങ്കിലും, നിങ്ങളുടെ അടുക്കളയിൽ എളുപ്പത്തിൽ ലഭ്യമാകുന്ന കുറച്ച് ചേരുവകളുടെ സഹായത്തോടെ നിങ്ങൾക്ക് അവ എളുപ്പത്തിൽ കൈകാര്യം ചെയ്യുവാൻ കഴിയുന്നതാണ്. അതിന് സഹായിക്കുന്ന ചെറിയ പൊടിക്കൈകൾ ഇതാ;
1. തേനും നാരങ്ങാനീരും
☛ 1 ടേബിൾസ്പൂൺ തേൻ
☛ ½ നാരങ്ങാനീരിൽ അല്പം വെള്ളം ചേർത്ത് ലയിപ്പിച്ചത്
ചെയ്യേണ്ട വിധം: രണ്ടു ചേരുവകളും ഒരു പാത്രത്തിൽ ഒഴിച്ച് നന്നായി യോജിപ്പിക്കുക. ഈ മിശ്രിതം മുഖത്ത് മുഴുവനും പുരട്ടുക, പ്രത്യേകിച്ച് മുഖക്കുരു ഉള്ള ഇടങ്ങളിൽ. ഇത് 15 മിനിറ്റു നേരം വയ്ക്കുക. ശേഷം, മുഖം കഴുകി തുടച്ച് വൃത്തിയാക്കുക. ഇത് ആഴ്ച്ചയിൽ രണ്ടോ മൂന്നോ തവണ ചെയ്യുക.
ശ്രദ്ധിക്കുക: നാരങ്ങാനീര് വെള്ളം ചേർത്ത് നേർപ്പിച്ചതിന് ശേഷം മാത്രം മുഖത്ത് പുരട്ടുക. ഈ പാക്ക് മുഖത്ത് ഉപയോഗിച്ചതിന് ശേഷം സൺസ്‌ക്രീൻ മുഖത്ത് പുരട്ടേണ്ടതാണ്. കാരണം, നാരങ്ങ നീര് നിങ്ങളുടെ ചർമ്മത്തെ ഫോട്ടോസെൻസിറ്റീവ് ആക്കുന്നു.
☛ 1 ടേബിൾസ്പൂൺ ശുദ്ധമായ കറ്റാർവാഴ പൾപ്പ്
☛ ½ ടീസ്പൂൺ മഞ്ഞൾ
ചെയ്യേണ്ട വിധം: കറ്റാർവാഴയുടെ കാമ്പ് (പൾപ്പ്) ഒരു മിക്സിയിൽ അടിച്ചെടുക്കുക. ഇത് ഒരു പാത്രത്തിലേക്ക് പകർത്തി, അതിലേക്ക് മഞ്ഞൾ ചേർത്ത് നന്നായി യോജിപ്പിക്കുക. ഈ മിശ്രിതം മുഖത്ത് തേച്ച് പിടിപ്പിച്ച് 15-20 മിനിറ്റു നേരം വയ്ക്കുക. ശേഷം, മുഖം കഴുകി തുടച്ച് വൃത്തിയാക്കുക. ഇത് ആഴ്ച്ചയിൽ രണ്ടോ മൂന്നോ തവണ ചെയ്യുക.
☛ 1 ടേബിൾസ്പൂൺ മുൾട്ടാണി മിട്ടി
☛ 1 ടേബിൾസ്പൂൺ പനിനീർ
ചെയ്യേണ്ട വിധം: മുൾട്ടാണി മിട്ടിയും പനിനീരും ഒരു പാത്രത്തിൽ ഇട്ട് നന്നായി യോജിപ്പിക്കുക. കുഴമ്പ് പരുവത്തിലാക്കിയ ഈ മിശ്രിതം മുഖത്ത് എല്ലായിടത്തും തേച്ച് പിടിപ്പിക്കുക. ഇത് ഉണങ്ങിയതിന് ശേഷം കഴുകിക്കളയുക. ആഴ്ച്ചയിൽ രണ്ടു പ്രാവശ്യം ഇങ്ങനെ ചെയ്യുക.
☛ 1 ടേബിൾസ്പൂൺ തേൻ
☛ ½ ടീസ്പൂൺ മഞ്ഞൾ പൊടി
ചെയ്യേണ്ട വിധം: തേനും മഞ്ഞളും ഒരു പാത്രത്തിൽ ഇട്ട് കുഴമ്പ് പരുവത്തിൽ നന്നായി യോജിപ്പിക്കുക. ഈ മിശ്രിതം നിങ്ങളുടെ മുഖത്തും പ്രശ്നമുള്ള ഭാഗങ്ങളിലും തേച്ച് പിടിപ്പിക്കുക. ഇത് 15-20 മിനിറ്റു നേരം വച്ചതിനു ശേഷം കഴുകിക്കളയുക. ആഴ്ച്ചയിൽ 3 തവണ ഇങ്ങനെ ചെയ്യുക. ഫലം കാണുന്നതാണ്.
☛ 1 ടേബിൾസ്പൂൺ ഓട്ട്സ് (പൊടിച്ചത്)
☛ 2 ടേബിൾസ്പൂൺ ശുദ്ധമായ തേൻ
☛ 1 ടേബിൾസ്പൂൺ വെള്ളം, പനിനീർ, അല്ലെങ്കിൽ പാൽ
ചെയ്യേണ്ട വിധം: ചേരുവകൾ ഒരു പാത്രത്തിൽ ഇട്ട് നന്നായി യോജിപ്പിക്കുക. ഈ മിശ്രിതം നിങ്ങളുടെ മുഖത്തും കഴുത്തിലും തേച്ച് പിടിപ്പിക്കുക. ഇത് 15-20 മിനിറ്റു നേരം വയ്ക്കുക. ശേഷം, ഇളം ചൂടുള്ള വെള്ളം ഉപയോഗിച്ച് കഴുകി കളയുക. ഇത് ആഴ്ച്ചയിൽ രണ്ടു മൂന്ന് തവണ ചെയ്യുക.
