ദില്ലി : പ്രധാനമന്ത്രിക്കെതിരെ വ്യാജ പോസ്റ്റർ പതിപ്പിച്ച 100 പേർക്കെതിരെ കേസെടുത്ത് പോലീസ്.ആറ് പേരെ പോലീസ് അറസ്റ്റ് ചെയ്തു. 100 പേർക്കെതിരെ എഫ്‌ഐആർ രജിസ്റ്റർ ചെയ്ത ശേഷമാണ് കേസെടുത്തത്.നഗരത്തിലുടനീളം പ്രധാനമന്ത്രി നരേന്ദ്ര മോദിക്കെതിരെ വ്യാജമായ പോസ്റ്ററുകളാണ് പ്രതികൾ പതിപ്പിച്ചത്. പോസ്റ്ററുകളിൽ അച്ചടിശാലയുടെ വിശദാംശങ്ങൾ ഉണ്ടായിരുന്നില്ല.വിശദമായി പരിശോധിച്ച ശേഷം അച്ചടിശാലയ്‌ക്കെതിരെയും കേസെടുക്കുമെന്ന് പോലീസ് വ്യക്തമാക്കി.
പ്രതികൾക്കൊപ്പം കുറച്ച് പോസ്റ്ററുകളും പിടിച്ചെടുത്തിട്ടുണ്ട്.പ്രിന്റിംഗ് പ്രസ് ആക്‌ട്, സ്വത്ത് നശിപ്പിക്കൽ നിയമം എന്നി വകുപ്പുകൾ പ്രകാരം എഫ്‌ഐആർ ഫയൽ ചെയ്തുവെന്ന് സ്‌പെഷ്യൽ സിപി ദീപേന്ദ്ര പഥക് പറഞ്ഞു.
