പ്രധാനമന്ത്രി നരേന്ദ്ര മോദിയുടെ വാഹനവ്യൂഹം മോഗ-ഫിറോസ്പൂർ ഫ്ളൈഓവറിൽ 20 മിനിട്ടോളം തടഞ്ഞിട്ട സംഭവത്തിൽ പഞ്ചാബ് പോലീസ് FIR രജിസ്റ്റർ ചെയ്തത് സംഭവം നടന്ന് 18 മണിക്കൂറുകൾക്ക് ശേഷമെന്ന് ആരോപണം. പരമാവധി 200 രൂപ പിഴ ശിക്ഷ കിട്ടാവുന്ന വകുപ്പുകൾ മാത്രം ചുമത്തിയാണ് അജ്ഞാതരായ പ്രതികൾക്കെതിരെ കേസ്സെടുത്തിരിക്കുന്നത്. FIR ൽ പ്രധാനമന്ത്രി വഴിയിൽ കുടുങ്ങിയതായി പരാമര്ശവുമില്ല. ഐപിസി സെക്ഷൻ 283 പ്രകാരമുള്ള കുറ്റകൃത്യങ്ങളാണ് പ്രതികൾക്കെതിരെ പഞ്ചാബ് പോലീസ് ചുമത്തിയിട്ടുള്ളത്.
പ്രധാനമന്ത്രിയുടെ വാഹന വ്യൂഹം അതിന്റെ ലക്ഷ്യ സ്ഥാനത്തിന് മുന്നേ നിർത്തേണ്ടിവന്നത് ഗുരുതരമായ സുരക്ഷാ വീഴ്ചയാണ്. ഒരു പൊതു പരിപാടിയിൽ പങ്കെടുക്കാനായി ഹുസൈൻ വാലാ ഗ്രാമത്തിലേക്ക് പോകുമ്പോഴാണ് പ്രതിഷേധക്കാരുടെ പ്രകടനങ്ങൾ കാരണം മോഗ ഫിറോസ്പൂർ ദേശീയപാതയിലെ ഒരു ഫ്ലൈ ഓവറിൽ 20 മിനിറ്റോളം വാഹനവ്യൂഹത്തിനു നിർത്തിയിടേണ്ടി വന്നത്. തുടർന്ന് കാര്യപരിപാടികൾ റദ്ദാക്കി അദ്ദേഹം ബിട്ടിണ്ട ഐർബേസിലേക്ക് തിരിച്ച് പോകുകയായിരുന്നു. ബിട്ടിണ്ട എയർ ബേസിലേക്ക് ജീവനോടെ തിരിച്ചെത്തിയതായും പഞ്ചാബിലെ കോൺഗ്രസ് സർക്കാരിനോട് നന്ദി പറയുന്നതായി പ്രധാനമന്ത്രി മോദി കളിയാക്കിയിരുന്നു. സംഭവത്തിൽ രാജ്യവ്യാപകമായ പ്രതിഷേധങ്ങൾ ഉണ്ടായി. രാഷ്ട്രപതി പ്രധാനമന്ത്രിയെ വിളിച്ചു വരുത്തി സംഭവത്തിന്റെ വിശദാംശങ്ങൾ ആരാഞ്ഞിരുന്നു.
