ചരിത്രത്തിലാദ്യം !! അന്യഗ്രഹത്തിന്റെ ഉപരിതല ദൃശ്യങ്ങൾ പുറത്ത്

അനന്തമായ പ്രപഞ്ചത്തിൽ ഭൂമിയെപ്പോലെ ജീവന്റെ കണികകളുള്ള മറ്റ് ഗ്രഹങ്ങളുണ്ടോ എന്ന തിരച്ചിൽ ശാസ്ത്രലോകം തുടങ്ങിയിട്ട് പതിറ്റാണ്ടുകളായി. സൂര്യനെയല്ലാതെ മറ്റ് നക്ഷത്രങ്ങളെ വലംവെക്കുന്ന എക്സോപ്ലാനറ്റുകൾ അഥവാ സൗരയൂഥത്തിന് പുറത്തുള്ള ഗ്രഹങ്ങളെ കണ്ടെത്തുക എന്നത് ജ്യോതിശാസ്ത്രത്തിലെ ഏറ്റവും വലിയ വെല്ലുവിളികളിലൊന്നാണ്. പ്രപഞ്ചത്തിൽ ആറായിരത്തിലധികം അന്യഗ്രഹങ്ങളെ ഇതുവരെ കണ്ടെത്തിയിട്ടുണ്ടെങ്കിലും, അവയുടെ ഉപരിതലം എങ്ങനെയുള്ളതാണെന്നോ അവിടെ എന്തൊക്കെയാണുള്ളതെന്നോ വ്യക്തമായി മനസ്സിലാക്കാൻ ശാസ്ത്രജ്ഞർക്ക് കഴിഞ്ഞിരുന്നില്ല. എന്നാൽ ഇപ്പോൾ, നാസയുടെ അത്യാധുനിക ബഹിരാകാശ ദൂരദർശിനിയായ ജെയിംസ് വെബ് സ്പേസ് ടെലിസ്കോപ്പ് നൽകിയ വിവരങ്ങൾ ഉപയോഗിച്ച് ചരിത്രത്തിലാദ്യമായി ഒരു വിദൂര ഗ്രഹത്തിന്റെ ഉപരിതലത്തെക്കുറിച്ചുള്ള ഏറ്റവും കൃത്യമായ വിവരങ്ങൾ ശാസ്ത്രജ്ഞർ പുറത്തുവിട്ടിരിക്കുകയാണ്. ചിക്കാഗോ സർവ്വകലാശാലയിലെയും മാക്സ് പ്ലാങ്ക് ഇൻസ്റ്റിറ്റ്യൂട്ടിലെയും ഗവേഷകർ ഉൾപ്പെട്ട അന്താരാഷ്ട്ര ശാസ്ത്രസംഘമാണ് ഈ സുപ്രധാന കണ്ടുപിടുത്തത്തിന് പിന്നിൽ പ്രവർത്തിച്ചത്. #exoplanet #jameswebbtelescope #nasa #astronomy #spaceexploration #scienceupdate #jwst #cosmology #universe #deepspace #spacecraft #astrophysics