മുഖ്യമന്ത്രിയുടെ സുരക്ഷയ്ക്കായി ആരെയും വഴിതടയേണ്ടതില്ല;സിപിഐ സംസ്ഥാന സെക്രട്ടറി കാനം രാജേന്ദ്രന്‍

തിരുവനന്തപുരം : മുഖ്യമന്ത്രി പിണറായി വിജയന്റെ സുരക്ഷ മുൻ നിർത്തി ആരേയും വഴിതടയേണ്ടതില്ലെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്‍ വ്യക്തമാക്കി. മുഖ്യമന്ത്രി കടന്നു പോകുന്ന പാതയോരങ്ങളിലെ ജാഗ്രത കരിങ്കൊടി പ്രതിഷേധം പ്രതിരോധിക്കുന്നതിന്റെ ഫലമായി ഉള്ളതാണെന്നും കരിങ്കൊടി പ്രതിഷേധങ്ങൾ ഒരിക്കലും മുൻകൂട്ടി പ്രവചിക്കാനാകില്ലെന്നും അദ്ദേഹം പറഞ്ഞു.

ചില ഉദ്യോഗസ്ഥര്‍ ജാഗ്രത കൂടുതൽ കാണിക്കുന്നു. ഇപ്പോൾ ഉയർന്നു വന്ന വിവാദങ്ങൾ അതിന്റെ ഫലമാണെന്നും കാനം അഭിപ്രായപ്പെട്ടു.കഴിഞ്ഞ ഞായറാഴ്ച മുഖ്യമന്ത്രി കടന്നു പോകുകയാണ് എന്ന കാരണത്താൽ സുഖമില്ലാത്ത കുഞ്ഞിന് മരുന്ന് വാങ്ങാൻ കാർ പാതയോരത്ത് നിർത്തിയ യുവാവിനെയും യുവാവിനെ പിന്തുണച്ച മെഡിക്കൽ ഷോപ് ഉടമയെയും പോലീസുകാരൻ ഭീഷണിപ്പെടുത്തിയത് വിവാദമായിരുന്നു. ഇതിനെത്തുടർന്നാണ് കാനത്തിന്റെ പ്രസ്താവന.

ലൈഫ് മിഷൻ കേസിൽ എം.ശിവശങ്കർ കുറ്റോരാപിതൻ മാത്രമെന്ന് കാനം പറഞ്ഞു. ശിവശങ്കർ തെറ്റു ചെയ്തെന്ന് പറയാനാവില്ലെന്നും അദ്ദേഹം കൂട്ടിച്ചേർത്തു.