ദില്ലി :ഝാർഖണ്ഡിലെ ധൻബാദിൽ ഇന്നലെ വൈകിട്ടോടെയായിരുന്നു ബോംബ് പൊട്ടിത്തെറിച്ചത്.ബൈക്കിൽ ഘടിപ്പിച്ച ബോംബാണ് പൊട്ടിത്തെറിച്ചതെന്നാണ് പ്രാഥമിക നിഗമനം.സ്ഫോടനത്തിൽ 4 പേർക്ക് പരിക്കേറ്റു.പച്ചക്കറി വാങ്ങാൻ വന്നയാൾക്കും മൂന്ന് കടക്കാർക്കുമാണ് പൊട്ടിത്തെറിയിൽ പരിക്കേറ്റത്. ഇവരെ സമീപത്തെ ആശുപത്രിയിൽ പ്രവേശിപ്പിച്ചു. സംഭവസ്ഥലം ഫോറൻസിക് സംഘമുൾപ്പെടെയുള്ളവർ എത്തി പരിശോധന നടത്തി.ബോംബിന്റെ സാമ്പിൾ ശേഖരിച്ചിട്ടുണ്ടെന്നും പരിശോധനയ്ക്കായി അയച്ചിരിക്കുകയാണെന്നും ഫോറൻസിക് സംഘം വ്യക്തമാക്കി
ബോംബ് സ്ഥാപിച്ച ഇരുചക്രവാഹനം പച്ചക്കറി മാർക്കറ്റിലെ തിരക്കുള്ള ഭാഗത്ത് വച്ച് അക്രമി കടന്നുകളയുകയായിരുന്നു. തൊട്ടുപിന്നാലെയാണ് ബോംബ് പൊട്ടിത്തെറിച്ചത്.സംഭവത്തിൽ അന്വേഷണം ഊർജ്ജിതമാക്കിയിരിക്കുകയാണ്
