“ജന്മദിനാശംസ മരണത്തിലേയ്ക്കുള്ള ചുവടുവയ്പ്പ്”; ആശംസകൾ അയക്കുന്നത് ഇസ്ലാം വിശ്വാസത്തിന്റെ ഭാഗമല്ലെന്ന് റാപ്പർ മൈട്രെ ഗിംസ്

പാരീസ്: ആശംസകൾ അയക്കുന്നത് ഇസ്ലാം വിശ്വാസത്തിന്റെ ഭാഗമല്ലെന്ന് ഫ്രഞ്ച്-കോംഗോ റാപ്പറും ഗായകനുമായ റാപ്പർ മൈട്രെ ഗിംസ് (Rapper Gims). തനിക്ക് പുതുവർഷവും ജന്മദിനാശംസകളും അയയ്‌ക്കുന്നത് നിർത്താൻ ആവശ്യപ്പെട്ടായിരുന്നു മൈട്രൈയുടെ ആഹ്വാനം. ഇതുമായി ബന്ധപ്പെട്ട് ജിംസ് തന്റെ സോഷ്യൽ മീഡിയയിൽ വീഡിയോയും പോസ്റ്റ് ചെയ്തിട്ടുണ്ട്. ഇതിൽ ജന്മദിനവും പുതുവത്സര ആശംസകളും മുസ്ലീങ്ങളുടെ വിശ്വാസത്തിന്റെ ഭാഗമല്ലെന്നാണ് മൈട്രെ ഗിംസ് പറയുന്നത്. എന്നാൽ മൈട്രൈ ഗിംസിന്റെ പ്രസ്താവനയെ വിമർശിച്ച് ഒട്ടേറെ ആരാധകർ രംഗത്തെത്തി .

പുതുവത്സര ആശംസകൾ നേരുന്ന ആളുകളെ മൈട്രെ ഗിംസ് ചീത്തവിളിക്കുന്നു, കാരണം ഇത് ഇസ്ലാമിൽ ഹറാമാണ്. അപ്പോൾ സംഗീത അവാർഡുകളും. രോമക്കുപ്പായങ്ങളും അർദ്ധനഗ്നരായ പെൺകുട്ടികളും ഇസ്ലാമിൽ ഹലാമാണോ എന്നും ചിലർ ചോദിക്കുന്നുണ്ട്.

സോഷ്യൽ മീഡിയയിൽ മൈട്രെ ഗിംസ് കുറിച്ചതിങ്ങനെ:

“സഹോദരന്മാരേ, ഞങ്ങൾ അത് ആഘോഷിക്കുന്നില്ല. അത് ഞങ്ങളുടെ വിശ്വാസത്തിന്റെ ഭാഗമല്ല. . ഞാൻ ഈ ആശംസകളോടൊന്നും പ്രതികരിച്ചിട്ടില്ല, പക്ഷേ നിങ്ങൾ ജനുവരിയിലും ഫെബ്രുവരിയിലും എനിക്കായി ഇത് അയച്ചുകൊണ്ടിരിക്കുന്നു. മുസ്ലീങ്ങൾ അത് നിർത്തണം – ആരാധകരിൽ നിന്ന് തനിക്ക് ലഭിച്ച ആശംസകൾക്ക് മൈട്രെ ഗിംസിന്റെ പ്രതികരണം ഇത്തരത്തിലാണ്. . ഇത് മരണത്തിലേക്കുള്ള ഒരു ചുവടുകൂടിയാണ്, മത മൂല്യങ്ങളിലും ആത്മീയ വളർച്ചയിലും നിങ്ങൾ ശ്രദ്ധ കേന്ദ്രീകരിക്കണം എന്നും” മൈട്രെ ഗിംസ് പറഞ്ഞു.