അമരാവതി: ആന്ധ്രാപ്രദേശിലെ ഗോദാവരി നദിയില് വിനോദ സഞ്ചാര ബോട്ട് മറിഞ്ഞ് ഏഴ് പേര് മരിച്ചു. 29 പേരെ കാണാതായി. 11 ജീവനക്കാരടക്കം 60 പേരാണ് ബോട്ടിലുണ്ടായിരുന്നത്. ഇതില് 25പേരെ രക്ഷപ്പെടുത്തി. കിഴക്കന് ഗോദാവരി ജില്ലയില് ഞായറാഴ്ച ഉച്ചകഴിഞ്ഞാണ് സംഭവമുണ്ടായത്.
ദേവപട്ടണത്തിനടുത്തുള്ള ഗാന്ധി പൊച്ചമ്മ ക്ഷേത്രത്തില്നിന്ന് വിനോദസഞ്ചാര കേന്ദ്രമായ പാപ്പികൊണ്ടാലുവിലേക്ക് പോയ ബോട്ടാണ് അപകടത്തില്പ്പെട്ടത്. കാണാതായവര്ക്കായുള്ള തെരച്ചില് തുടരുകയാണ്.
അപകടമുണ്ടാകാനുള്ള കാരണം വ്യക്തമല്ലെന്ന് ജില്ലാ പോലീസ് മേധാവി അദ്നാന് നയീം അസ്മി പറഞ്ഞു. ആന്ധ്രപ്രദേശ് ടൂറിസം ഡെവലപ്പ്മെന്റ് കോര്പ്പറേഷന്റേതാണ് അപകടത്തില്പ്പെട്ട ബോട്ടെന്നാണ് വിവരം. കാണാതായവര്ക്കായി ഹെലികോപ്റ്ററിലും തെരച്ചില് നടത്തുമെന്ന് അധികൃതര് അറിയിച്ചു
