ദില്ലി ; കേന്ദ്ര സർക്കാർ ജീവനക്കാരുടെ ക്ഷാമബത്തയും പെൻഷൻകാരുടെ ക്ഷേമ ആനുകൂല്യവും നാലു ശതമാനം വർദ്ധിപ്പിക്കാൻ കേന്ദ്ര മന്ത്രിസഭാ യോഗം തീരുമാനമെടുത്തു. 49.18 ലക്ഷം ജീവനക്കാർക്കും 67.95 ലക്ഷം പെൻഷൻകാർക്കും പ്രയോജനം ലഭിക്കും.2024 ജനുവരി ഒന്നു മുതൽ മുൻകാല പ്രാബല്യത്തോടെ 4 ശതമാനമായാണ് വർധിപ്പിക്കുന്നത്.
ഇതിലൂടെ ഖജനാവിന് പ്രതിവർഷം 12,868.72 കോടിയുടെ അധിക ബാദ്ധ്യതയുണ്ടാകും. ഏഴാം കേന്ദ്ര ശമ്പള കമ്മീഷൻ ശുപാർശകൾ അടിസ്ഥാനമാക്കിയുള്ള അംഗീകൃത ഫോർമുലയനുസരിച്ചാണ് വര്ദ്ധനവ്.