തിരുവനന്തപുരം: സംസ്ഥാനത്ത് കെ റെയിൽ പ്രതിഷേധങ്ങൾ ശക്തമാകുന്നു. പിണറായി സർക്കാരിന്റെ സില്വര്ലൈന് എന്ന സ്വപ്നം ഒരിക്കലും നടക്കില്ലെന്ന് കെപിസിസി പ്രസിഡന്റ് കെ സുധാകരന്.
പിണറായി വിജയന് മുഖ്യമന്ത്രിയായ ശേഷമുള്ള പല പദ്ധതികളും കമ്മീഷന് ലക്ഷ്യം വച്ചാണ് നടന്നതെന്നും, അതുപോലെ തന്നെ ഈ പദ്ധതിയില് നിന്നും പത്ത് ശതമാനം കമ്മീഷന് സര്ക്കാരിന് ലഭിക്കുമെന്ന ആരോപണവും കെ സുധാകരന് ഉന്നയിച്ചു.
ഏത് അതോറിറ്റിയാണ് സര്വേ നടത്താന് അനുമതി നല്കിയതെന്ന് സുധാകരന് ചോദിച്ചു. ജനാധിപത്യ ബോധമുണ്ടെങ്കില് ജനകീയ സര്വേ നടത്തട്ടേയെന്നും അദ്ദേഹം കൂട്ടിച്ചേര്ത്തു. മാത്രമല്ല സില്വര് ലൈന് പദ്ധതിയില് ബഫര് സോണുണ്ടാകുമെന്നും ഈ വിഷയത്തില് കെ റെയില് എം.ഡി പറഞ്ഞതാണ് വസ്തുതയെന്നും സി.പി.ഐ.എം സംസ്ഥാന സെക്രട്ടറി കോടിയേരി ബാലകൃഷ്ണന് പറഞ്ഞു.