പ്രശസ്ത ഹോളിവുഡ് താരം റോബി കോള്ട്രെയിന് അന്തരിച്ചു. ഹാരി പോര്ട്ടര് ചിത്രങ്ങളിൽ ഏവരെയും രസിപ്പിച്ച ഹാഗ്രിഡ് എന്ന കഥാപാത്രത്തിലൂടെ ലോക ശ്രദ്ധ പിടിച്ചു പറ്റിയ ആളാണ് അദ്ദേഹം. 72 വയസായിരുന്നു. റോബി കോള്ട്രെയിന്റെ ഏജന്റാണ് മരണവാര്ത്ത സ്ഥിരീകരിച്ചതെന്നാണ് റിപ്പോര്ട്ട്.
ഐടിവി ഡിക്ടറ്റീവ് നാടകമായ ക്രാക്കറിയിലും ജെയിംസ് ബോണ്ട് ചിത്രങ്ങളായ ഗോള്ഡന് ഐ, ദ വേള്ഡ് ഈസ് നോട്ട് ഇനഫ് എന്നീ സിനിമകളിലും ശ്രദ്ധേയമായ കഥാപാത്രങ്ങളെ അദ്ദേഹം സമ്മാനിച്ചു.1980 കളിലാണ് കോള്ട്രെയന് വെള്ളിത്തിരയിലേക്ക് എത്തുന്നത്. ഫ്ളാഷ് ഗോള്ഡന് എന്ന സയന്സ് ഫിക്ഷന് ചിത്രത്തിലൂടെയായിരുന്നു അദ്ദേഹം ചലച്ചിത്ര രംഗത്തേക്ക് കാലെടുത്ത് വച്ചത്. തുടർന്ന് ടെലിവിഷന് കോമഡി ഷോകളിലും കോള്ട്രെയിന് തന്റെ കഴിവ് തെളിയിക്കുകയായിരുന്നു.
1981 ലെ ടെലിവിഷന് പ്രോജക്ടായ ‘എ ക്ലിക്ക് അപ്പ് 80’ ലാണ് കോള്ട്രയ്ന് ആദ്യമായി അഭിനയിച്ചത്. 2006 ല് അദ്ദേഹത്തിന് ഒബിഇ (ഓഫീസര് ഓഫ് ദി ഓര്ഡര് ഓഫ് ദി ബ്രിട്ടീഷ് എംപയര്) പുരസ്കാരം ലഭിച്ചു, കൂടാതെ 2011-ല് ചലച്ചിത്രരംഗത്തെ മികച്ച സംഭാവനയ്ക്കുള്ള ബാഫ്ത സ്കോട്ട്ലന്ഡ് അവാര്ഡും ലഭിച്ചു.
അമ്മയെ മര്ദിച്ച് അവശയാക്കിയ ശേഷം 11 കാരിയെ ബലാത്സംഗം ചെയ്ത പ്രതിക്ക് 30 വർഷം കഠിന തടവും 30,000 രൂപ…
ആറ്റിങ്ങലിലെ എൻഡിഎ സ്ഥാനാർത്ഥിയും കേന്ദ്രമന്ത്രിയുമായ വി മുരളീധരൻ മണ്ഡലത്തിലെ തെരഞ്ഞെടുപ്പ് പ്രാഥമിക വിശകലന യോഗത്തിൽ പങ്കെടുത്തു. ഉച്ചക്ക് കിളിമാനുരിൽ തെരഞ്ഞെടുപ്പ്…
വടകരയിലെ യഥാര്ത്ഥ കാഫിര് ആരാണ്..? ഊമ മെസേജില് എത്ര വോട്ടു മറിയും..? വടകരയിലെ ചോദ്യങ്ങള് ഇതൊക്കെയാണ. തെരഞ്ഞെടുപ്പ് ചൂടുപിടിച്ചതോടുകൂടി മണ്ഡലത്തിലെ…