തിരുവനന്തപുരം: ബംഗാള് ഉള്ക്കടലില് തമിഴ്നാട് തീരത്തിനടുത്ത് ചക്രവാതചുഴി രൂപപ്പെട്ട പശ്ചാത്തലത്തിൽ കേരളത്തിൽ ചൊവ്വാഴ്ച്ച വരെ ശക്തമായ മഴ തുടരാന് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, എറണാകുളം, ഇടുക്കി, വയനാട് ജില്ലകളില് യെല്ലോ അലേര്ട്ട് പ്രഖ്യാപിച്ചു.കൊല്ലം, പത്തനംതിട്ട, കോട്ടയം, എറണാകുളം, ഇടുക്കി, മലപ്പുറം, കോഴിക്കോട്, വയനാട് ജില്ലകളില് നാളെ യെല്ലോ അലേര്ട്ട്. തിങ്കളാഴ്ച്ച പത്ത് ജില്ലകളിലും ചൊവ്വാഴ്ച്ച ഏഴ് ജില്ലകളിലും മഴമുന്നറിയിപ്പ്.പൊതുജനങ്ങള് ഇടിമിന്നല് ജാഗ്രതാ നിര്ദേശങ്ങള് പാലിക്കണമെന്ന് സംസ്ഥാന ദുരന്തനിവാരണ അതോറിറ്റി വ്യക്തമാക്കി. അതേസമയം കേരള കർണാടക ലക്ഷദ്വീപ് തീരങ്ങളിൽമത്സ്യബന്ധനത്തിന് തടസമില്ല.