കാനോൻ നിയമമല്ല…ഇത് ഇന്ത്യൻ നിയമം: ഭൂമിയിടപാട് കേസിൽ കർദിനാൾ വിചാരണ നേരിടണമെന്ന് കോടതി

കൊച്ചി: ഭൂമിയിടപാട് കേസിൽ കർദിനാൾ ജോർജ്ജ് ആലഞ്ചേരിയ്ക്ക് കനത്ത തിരിച്ചടി. കേസിൽ കർദിനാൾ വിചാരണ നേരിടണമെന്ന് ഹൈക്കോടതി ഹൈക്കോടതി വ്യക്തമാക്കി. കർദ്ദിനാളിന്റേതടക്കം ആറ് ഹർജികളും തള്ളിക്കൊണ്ടായിരുന്നു ഹൈക്കോടതി ഉത്തരവ്. കർദിനാളിനൊപ്പം അതിരൂപത മുൻ ഫിനാൻസ് ഓഫീസറും, ഭൂമി വാങ്ങിയ സാജു വർഗീസും വിചാരണ നേരിടണം. എറണാകുളം ജില്ല സെഷൻസ് കോടതി ഉത്തരവും ഹൈക്കോടതി ഇതോടൊപ്പം ശരിവച്ചു.

എന്നാൽ എറണാകുളം അങ്കമാലി അതിരൂപതയുടെ ഉടമസ്ഥതയിലുള്ള കാക്കനാടുള്ള 60 സെന്റ് ഭൂമി വിൽപ്പന നടത്തിയതിലൂടെ സഭയ്ക്ക് ലക്ഷങ്ങളുടെ നഷ്ടം ഉണ്ടായെന്നും സഭയുടെ വിവിധ സമിതികളിൽ ആലോചിക്കാതെയാണ് ഭൂമി നടത്തിപ്പെന്നതുമായിരുന്നു കേസ്. ഭൂമി ഇടപാടിൽ തനിക്കെതിരായ 8 കേസുകളും റദ്ദാക്കണം എന്നും കർദ്ദിനാൾ ഹർജിയിൽ ആവശ്യപ്പെട്ടിരുന്നു. എന്നാൽ ഇതെല്ലം കോടതി പൂർണ്ണമായും തള്ളുകയായിരുന്നു.

അതേസമയം കേസിൽ വിചാരണ നേരിടണമെന്ന് തൃക്കാക്കര കോടതിയാണ് ആദ്യം ഉത്തരവിട്ടത്. ജില്ല സെഷൻസ് കോടതിയും വിചാരണ നേരിടണമെന്ന് ഉത്തരവിട്ടിരുന്നു. വിചാരണയ്‌ക്കുള്ള ഉത്തരവ് റദ്ദ് ചെയ്യണമെന്നാവശ്യപ്പെട്ടാണ് കർദ്ദിനാൾ ഹൈക്കോടതിയെ സമീപിച്ചത്. സീറോ മലബാര്‍ സഭ ഭൂമിയിടപാടില്‍ നടന്നത് ഗുരുതര സാമ്പത്തിക ക്രമക്കേടാണെന്ന് ആദായ നികുതി വകുപ്പും കണ്ടെത്തിയിരുന്നു. കേസില്‍ എറണാകുളം-അങ്കമാലി അതിരൂപത 3.5 കോടി രൂപ പിഴയൊടുക്കണമെന്ന് ആദായനികുതി വകുപ്പ് ആവശ്യപ്പെട്ടിട്ടുണ്ട്. എന്നാൽ ഇടപാടില്‍ വന്‍ നികുതി വെട്ടിപ്പാണ് നടന്നതെന്ന് ആദായ നികുതി വകുപ്പിന്റെ റിപ്പോര്‍ട്ടില്‍ പറയുന്നു.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona