ഡയാന രാജകുമാരിയുടെ ജീവിതം പറയുന്ന ഹോളിവുഡ് ചിത്രം ‘സ്‌പെന്‍സര്‍’ ന്റെ ടീസര്‍ റിലീസ് ചെയ്തു. പാബ്ലോ ലറെയ്ന്‍ ആണ് സംവിധാനം. ഡയാന രാജകുമാരിയുടെ റോളില്‍ ക്രിസ്‌റ്റെന്‍ സ്റ്റുവാര്‍ടും ചാള്‍സ് രാജകുമാരനായി ജാക് ഫാര്‍തിങ്ങുമാണ് അഭിനയിക്കുന്നത്.
വിവാഹശേഷമുള്ള ഡയാനയുടെയും ചാള്‍സിന്റെയും ജീവിതമാണ് സിനിമക്ക് ആധാരം. തിമോത്തി സ്പാള്‍,ഷോണ്‍ ഹാരിസ്,സാലി ഹോകിന്‍സ് എന്നിവരാണ് മറ്റ് കഥാപാത്രങ്ങള്‍. വെനീസ് ചലച്ചിത്രമേളയില്‍ വെച്ചായിരിക്കും വേള്‍ഡ് പ്രീമിയം നടക്കുകയെന്നാണ് വിവരം.നവംബര്‍ 5നാണ് ചിത്രം റിലീസ് ചെയ്യുക
