കൽപ്പറ്റ : വയനാട്ടിൽ ഇടിമിന്നലേറ്റ് വീട്ടമ്മ മരിച്ചു. കൊല്ലിവെയിൽ ആദിവാസി കോളനിയിലെ സിമിയാണ് ഇന്ന് മിന്നലേറ്റ് മരിച്ചത്. മേപ്പാടി ചെമ്പോത്തറ കല്ലുമലയിലാണ് സംഭവം.
ഉടൻ തന്നെ കൽപ്പറ്റയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വീടിന് മുകളിൽ ഉണക്കാനിട്ട വസ്ത്രം എടുക്കുന്നതിനിടെയാണ് സിമിക്ക് ഇടിമിന്നലേറ്റത്. അതിശക്തമായ മഴയും ഈ സമയം പെയ്യുന്നുണ്ടായിരുന്നു. കഴിഞ്ഞ രണ്ടാഴ്ചയ്ക്കിടെ ഇടിമിന്നലേറ്റുള്ള നാലാമത്തെ മരണമാണ് സിമിയുടേത്
