ഹൈദരാബാദ്: വയോധികയുടെ കണ്ണില് ഹാര്പ്പിക് ഒഴിച്ച് അന്ധയാക്കിയ ശേഷം പണവും സ്വര്ണാഭരണങ്ങളും കവര്ന്ന വീട്ടുജോലിക്കാരി പിടിയിൽ. ഹൈദരാബാദിലാണ് (Hyderabad) നടുക്കുന്ന സംഭവം നടന്നത്. ഹാര്പ്പിക്കും സന്ദു ബാമും കലര്ത്തിയ വെള്ളം വൃദ്ധയുടെ കണ്ണിലൊഴിച്ചാണ് ജോലിക്കാരി ഇവരെ അന്ധയാക്കിയത്.
ഹേമാവതി കണ്ണ് ചൊറിയുന്നത് കണ്ട ഭാര്ഗവി കണ്ണിലെന്തെങ്കിലും മരുന്ന് ഒഴിക്കാമെന്ന് പറഞ്ഞു. തുടര്ന്ന് ബാത്ത്റൂം വൃത്തിയാക്കുന്നതിനായി ഉപയോഗിക്കുന്ന ഹാര്പ്പിക്കും സന്ദു ബാമും വെള്ളത്തില് കലര്ത്തി കണ്ണിലൊഴിക്കുകയായിരുന്നു. നചരാം കോംപ്ലക്സില് വയോധിക ഒറ്റയ്ക്കാണ് താമസിച്ചിരുന്നത്. മകന് സചീന്ദര് ലണ്ടനിലാണ് താമസം.
കാഴ്ച കൂടുതല് കൂടുതല് മങ്ങി വരുന്നതോടെ വീണ്ടും ആശുപത്രിയില് കൊണ്ടുപോയെങ്കിലും എന്താണ് സംഭവിക്കുന്നതെന്ന് കണ്ടെത്താനായിരുന്നില്ല. മകന് നാട്ടിലെത്തുകയും അമ്മയെ മറ്റൊരു ആശുപത്രിയില് പ്രവേശിപ്പിക്കുകയും ചെയ്തു. ഹേമാവതിയുടെ കണ്ണില് വിഷം കലര്ന്ന മിശ്രിതം വീണിട്ടുണ്ടെന്ന് ഡോക്ടര് വ്യക്തമാക്കി. ഇതോടെ ഭാര്ഗവിയെ സംശയം തോന്നിയ കുടുംബം പൊലീസില് പരാതി നല്കി. ഹേമാവതിയിൽ നിന്ന് 40000 രൂപയും രണ്ട് സ്വർണ്ണ വളകളും ഒരു സ്വർണ്ണമാലയും കവർന്നതായും ഇവർ ചോദ്യം ചെയ്യലിൽ സമ്മതിച്ചു. പൊലീസ് അറസ്റ്റ് ചെയ്ത ഭാർഗവിയെ കോടതി റിമാന്റ് ചെയ്തു.
