ഭീകരസംഘടനകളിലേക്ക് വലിയ രീതിയില് മലയാളികള് റിക്രൂട്ട് ചെയ്യപ്പെടുന്നുണ്ടെന്ന് രാജ്യത്തെ ഒട്ടുമിക്ക സുരക്ഷ ഏജന്സികളും റിപ്പോര്ട്ടു ചെയ്തതാണ്. ഐഎസ് അടക്കം ഭീകരസംഘടനകളില് ചേരുകയും ഏറ്റുമുട്ടലില് കൊല്ലപ്പെടുകയും ചെയ്ത മലയാളികളും ഏറെയാണ്. നിമിഷ ഫാത്തിമ അടക്കം നിരവധി പേര് ഐഎസില് എത്തിക്കപ്പെട്ടിരുന്നു.
ഇതാ ഇപ്പോള് താലിബാനിലും മലയാളികള് ഏറെയുണ്ടെന്ന് വ്യക്തമാക്കുന്ന വീഡിയോ സോഷ്യല് മീഡിയയില് വൈറലാവുകയാണ്. 5000 ത്തോളം പേരിൽ നിരവധി മലയാളികളും ഉണ്ടെന്ന സൂചനയുണ്ട്. ഇവരാകാം താലിബാനൊപ്പം ചേർന്നതെന്നാണ് സൂചന. ‘സംസാരിക്കട്ടെ’ എന്ന് മലയാളത്തിൽ തീവ്രവാദികളൊരാൾ പറയുന്നതായാണ് വീഡിയോയിൽ അവ്യക്തമായി കേൾക്കാനാവുന്നത്. ദൃശ്യമനുസരിച്ച് ആ താലിബാൻ കൂട്ടത്തിൽ രണ്ട് മലയാളി തീവ്രവാദികളുണ്ടെന്നത് വ്യക്തമാണെന്നാണ് തരൂർ ട്വീറ്റ് ചെയ്തത്.
