അഹമ്മദാബാദ്: ഗുജറാത്ത് തീരത്ത് വന്‍ ലഹരി വേട്ട. ഇറാനിയന്‍ ബോട്ടില്‍ നിന്നു 250 കോടി വിലവരുന്ന ഹെറോയിന്‍ പിടികൂടി. ഏഴുപേരാണ് ബോട്ടിലുണ്ടായിരുന്നത്. കോസ്റ്റ് ഗാര്‍ഡും തീവ്രവാദ വരുദ്ധ സേനയും സംയുക്തമായി നടത്തിയ പരിശോധനയിലാണ് 50 കിലോയോളം വരുന്ന ഹെറോയിന്‍ ശേഖരം പിടികൂടിയത്.
അന്താരാഷ്ട്ര വിപണിയില്‍ 150 കോടിക്കും 250 കോടിക്കും ഇടയില്‍ വിലമതിക്കുന്ന ഹെറോയിനാണ് പിടികൂടിയത്. കടല്‍ വഴി ലഹരിക്കടത്ത് നടക്കുന്നുവെന്ന രഹസ്യവിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് മയക്കുമരുന്ന് പിടിച്ചെടുത്തതെന്നും ബോട്ടിലെ ജീവനക്കാരായ ഏഴ് ഇറാനിയന്‍ പൗരന്മാര്‍ പിടിയിലായതായും തീവ്രവാദ വിരുദ്ധ സേന ഡിഐജി ഹിമാന്‍ഷു ശുക്ല വ്യക്തമാക്കി.
