കൊച്ചി: അഞ്ചുവയസ്സുകാരി ചാന്ദ്നിയെ കൊലപ്പെടുത്തിയ സംഭവത്തില്, മൃതദഹേത്തിന്റെ ഇന്ക്വസ്റ്റ് നടപടികള് പൂര്ത്തിയായി. കുട്ടിയുടെ മുഖത്ത് കല്ലുകൊണ്ട് ഇടിച്ച പാടുകളും കഴുത്തില് കറുത്ത ചരടിട്ട് മുറുക്കിയ പാടുകളും കാണപ്പെട്ടിട്ടുണ്ട്. രഹസ്യ ഭാഗങ്ങളില് അടക്കം കുട്ടിയുടെ ശരീരം ആസകലം മുറിവുകളുണ്ടെന്നാണ് പരിശോധനയിലൂടെ പുറത്ത് വന്ന റിപ്പോർട്ട്. കളമശ്ശേരി മെഡിക്കല് കോളജില് പോസ്റ്റുമോര്ട്ടം തുടരുകയാണ്. മൃതദേഹം ഇന്നുതന്നെ ബന്ധുക്കള്ക്ക് വിട്ടുനല്കും. നാളെ സംസ്കാരം നടത്താനാണ് തീരുമാനം. മൂന്നുമണിക്കൂറോളം നീണ്ട ഇന്ക്വസ്റ്റ് നടപടികള്ക്ക് ശേഷമാണ് പോസ്റ്റുമോര്ട്ടത്തിനായി കൊണ്ടുപോയത്.
അതേസമയം പ്രതി അസ്ഫാക്ക് ആലത്തിനൊപ്പം കൂടുതല് പേര് കൊലയില് പങ്കാളിയായിട്ടുണ്ടോയെന്നും അന്വേഷിക്കുമെന്ന് മധ്യമേഖലാ ഡിഐജി എ ശ്രീനിവാസ് പറഞ്ഞു.കഴിഞ്ഞ ഇരുപത്തിരണ്ടാം തീയതിയാണ് ബിഹാര് സ്വദേശിയായ അസ്ഫാക്ക് ആലുവയില് എത്തിയത്. കുറഞ്ഞ ദിവസത്തെ പരിചയം മാത്രമാണ് ഇയാള്ക്ക് ഇവിടെയുള്ളത്. കുട്ടിയെ കൊലപ്പെടുത്താനുള്ള കാരണം എന്തെന്നു കണ്ടെത്തേണ്ടതുണ്ട്. ഇയാളുടെ പശ്ചാത്തലം അറിയാന് ബിഹാര് പൊലീസുമായി ബന്ധപ്പെട്ടിട്ടിട്ടുണ്ടെന്നും ഡിഐജി പറഞ്ഞു. അന്വേഷണത്തെ വഴിതെറ്റിക്കാന് ശ്രമിച്ചതിലുടെ ഇയാളൊരു സ്ഥിരം കുറ്റവാളിയാണോയെന്ന സംശയം ഉയര്ന്നിട്ടുണ്ട്.
