ജിഹാദി ആക്രമണം; ഫ്രാൻസിൽ ദ്വീപ് നിവാസി കൊല്ലപ്പെട്ടു; ഇസ്ലാമിക ഭീകരനെ അറസ്റ്റ്‌ചെയ്ത് പോലീസ്

പാരീസ്: ഫ്രാൻസിൽ ജിഹാദി ആക്രമണം(Jailed Corsican nationalist dies after attack in French prison). സംഭവത്തിൽ ദ്വീപ് നിവാസി കൊല്ലപ്പെട്ടു. ഫ്രാൻസിലെ ജയിലിലാണ് സംഭവം. ആക്രമണം നടത്തിയ ഇസ്ലാമിക ഭീകരനെ പോലീസ് അറസ്റ്റ് ചെയ്തു. ജയിലിലെ തടവുപുള്ളിയാണ് കൊല്ലപ്പെട്ടത്.

ഫ്രാൻസിന്റെ അധീനതയിൽപ്പെട്ട കോഴ്സിക്കൻ ദ്വീപ് നിവാസിയാണ് കൊല്ലപ്പെട്ടത്.സംഭവവുമായി ബന്ധപ്പെട്ട് കമാറൂൺ പൗരനായ എലോൺ ആബേ എന്ന ഇസ്ലാമിക ഭീകരനെ അറസ്റ്റ്‌ചെയ്ത് അതിസുരക്ഷാ ജയിലേക്ക് മാറ്റി. 61 കാരനായ യുവാൻ കോളോണ എന്ന വ്യക്തിയാണ് തലയ്‌ക്കടിയേറ്റ് മരണപ്പെട്ടത്. പ്രവാചകനെതിരെ പറഞ്ഞുവെന്നാരോപിച്ചാണ് കമാറൂൺ വംശജനായ എലോംഗ് ആബേ യുവാനെ ആക്രമിച്ചത്.

സംഭവത്തെ തുടർന്ന് കോഴ്സിക്കയിലും ഫ്രാൻസിലെ വിവിധ നഗരത്തിലും ഇസ്ലാമിക ഭീകരതയ്‌ക്കെതിരെ ശക്തമായ പ്രതിഷേധങ്ങൾ ഉയരുകയാണ്. ഫ്രാൻസിൽ നിന്നും സ്വാതന്ത്ര്യം ആവശ്യപ്പെട്ട് പ്രക്ഷോഭം നടത്തുന്നതിനിടെ ഉണ്ടായ കൊലപാതകത്തിന്റെ പേരിലാണ് യുവാൻ ജയിലിലെത്തിയത്. 1998ൽ പോലീസ് ഉദ്യോഗസ്ഥനെ വധിച്ച കേസിലാണ് യുവാൻ ജീവപര്യന്തം ജയിൽ ശിക്ഷ അനുഭവിച്ചു കൊണ്ടിരുന്നത്. യുവാന്റെ മരണം ഭരണകൂടത്തിന്റെ അശ്രദ്ധയാണെന്ന പേരിലും പ്രക്ഷോഭം നടക്കുകയാണ്. സംഭവത്തിനുപിന്നാലെ ജയിലിൽ അതീവസുരക്ഷയാണ് ഏർപ്പെടുത്തിയിരിക്കുന്നത്.