അസം- ജമാത്ത് ഉൽ മുജാഹിദ്ദീൻ ബംഗ്ലാദേശ് പ്രവർത്തകർ അറസ്റ്റില് . മുജാഹിദ്ദീൻ സംഘത്തിലുളള മൂന്ന് പേരാണ് ബാർപെട്ട ജില്ലയിൽ അറസ്റ്റിലായത്.
ഹാഫിസ്പുർ റഹ്മാൻ, യാക്കുബ് അലി, സരിഫുൾ ഇസ്ലാം എന്നിവരെയാണ് പൊലീസ് അറസ്റ്റ് ചെയ്തത്.സ്വാതന്ത്ര്യ ദിന ചടങ്ങുകൾ നടക്കുന്ന സ്ഥലം ഇവർ നിരീക്ഷിക്കുന്നുണ്ടായിരുന്നു. ഇതിനെ തുടർന്നായിരുന്നു അറസ്റ്റെന്ന് പോലീസ് പറഞ്ഞു.
സംഘമായി തിരിഞ്ഞ് പൊലീസ് ഇവിടെ പരിശോധന നടത്തി വരികയായിരുന്നു. ബാർപെട്ട മേഖലയിൽ ജമാ അത്ത് മുജാഹിദീൻ ബംഗ്ലാദേശ് പ്രവർത്തകർ ഒളിഞ്ഞിരിക്കുന്നുണ്ടെന്ന വിവരം കിട്ടിയതിനെ തുടർന്ന് പൊലീസ് കർശന നിരീക്ഷണം സ്ഥലത്ത് ഏർപ്പെടുത്തിയിരുന്നു. ഹാഫിസ്പുർ റഹ്മാനെ എട്ട് ദിവസം പോലീസ് കസ്റ്റഡിയിൽ വിടാൻ കോടതി ഉത്തരവിട്ടു.