തിരുവനന്തപുരം: ജടായുരാമ സാംസ്കാരിക കേന്ദ്രം സംഘടിപ്പിക്കുന്ന ജടായുരാമ സന്ധ്യ ഇന്ന്. തിരുവനന്തപുരം സൗത്ത് പാര്‍ക്കില്‍ വൈകുന്നേരം നടക്കുന്ന പരിപാടിയുടെ തത്സമയ സംപ്രേക്ഷണം തത്വമയി നെറ്റ് വര്‍ക്കിലൂടെ കാണാവുന്നതാണ്. പ്രശസ്ത ശാസ്ത്രീയ സംഗീതജ്ഞനും, മലയാള ചലച്ചിത്ര സംഗീത സംവിധായകനുമായ കാവാലം ശ്രീകുമാര്‍ ജടായു സ്തുതി ആലപിച്ചുകൊണ്ടായിരിക്കും പരിപാടി ആരംഭിക്കുക. ശേഷം പ്രമുഖ ചാർട്ടേഡ് അക്കൗണ്ടന്റും, സാംസ്കാരിക പ്രവര്‍ത്തകനുമായ രഞ്ജിത്ത് കാർത്തികേയന്‍ സ്വാഗത പ്രഭാഷണം നടത്തും.
തുടര്‍ന്ന് ”സ്ത്രീ ശാക്തീകരണം” എന്ന വിഷയത്തില്‍ രാജകുടുംബാംഗം ഗൗരി ലക്ഷ്മി ബായിയും പ്രഭാഷണം നടത്തും. ഡോക്ടര്‍ സിവി ആനന്ദബോസ് ഐഎഎസ് അദ്ധ്യക്ഷനാകുന്ന ചടങ്ങില്‍ കാവാലം ശ്രീകുമാര്‍ രാമായണം പാരായണം ചെയ്യും. ഡോക്ടര്‍ എംജി ശശിഭൂഷൺ ”കേരളത്തില്‍ രാമ പ്രസ്ഥാനങ്ങളുടെ പ്രസക്തി” എന്ന വിഷയത്തില്‍ പ്രഭാഷണം നടത്തും. ശേഷം സ്വാമി സത്യാനന്ദ സരസ്വതി, ജടായുരാമ ക്ഷേത്രം, ഷീ ഷോര്‍ട് ഫിലിം ഫെസ്റ്റിവല്‍ എന്നീ വിഷയങ്ങളെക്കുറിച്ചുളള വീഡിയോ അവതരണവും ഉണ്ടാകും. മുന്‍ മിസോറം ഗവര്‍ണര്‍ കുമ്മനം രാജശേഖരന്‍ നയിക്കുന്ന സംവാദവും നടക്കും.
