സിനിമാ പ്രേക്ഷകർ ഒന്നടങ്കം ഏറെ പ്രതീക്ഷയോടെ കാത്തിരിക്കുന്ന ചിത്രമാണ് മണിരത്നം സംവിധാനം ചെയ്യുന്ന പൊന്നിയിന് സെല്വന്. വന് താരനിരയില് ഒരുക്കുന്ന ചിത്രത്തില് മലയാളത്തിന്റെ പ്രിയനടന് ജയറാമും അഭിനയിക്കുന്നുണ്ട്. രവിവര്മ്മന് എന്ന കഥാപാത്രത്തെയാണ് ജയറാം അവതരിപ്പിക്കുന്നത്. ഇപ്പോള് ചിത്രത്തിന്റെ ലൊക്കേഷനില് നിന്നുള്ള ചിത്രം പങ്കുവച്ചിരിക്കുകയാണ് ജയറാം.
രവിവര്മ്മന്റെ വേഷത്തില് ഇരിക്കുന്ന ജയറാമിനെ ആണ് ചിത്രത്തില് കാണുന്നത്. സംവിധായകന് മണിരത്നത്തേയും കൂടെ കാണാം. ഒരുപാട് ആഗ്രഹിച്ച വേഷമാണിത് എന്നാണ് ജയറാം കുറിക്കുന്നത്. രവിവര്മ്മന്…മണിരത്നം വാക്കുകള്ക്ക് അതീതമായ പ്രതിഭകള്..ചരിത്രത്തിന്റെ ഭാഗമാകാന് പോകുന്ന പൊന്നിയിന് ശെല്വന് …ഒരുപാട് ആഗ്രഹിച്ച വേഷം..ആള്വാര്ക്ക്അടിയന് നമ്ബി.- ജയറാം കുറിച്ചിരിക്കുന്നത്.
കല്ക്കി കൃഷ്ണമൂര്ത്തിയുടെ പൊന്നിയിന് സെല്വന് എന്ന കൃതിയെ ആധാരമാക്കി ഒരുക്കിയ ചിത്രം പത്താം നൂറ്റാണ്ടില് ചോള ചക്രവര്ത്തിയുടെ സിംഹാസനത്തിന് നേരിടേണ്ടി വന്ന പ്രതിസന്ധികളും അപകടങ്ങളും സൈന്യത്തിനും ശത്രുക്കള്ക്കും ചതിയന്മാര്ക്കും ഇടയില് നടക്കുന്ന പോരാട്ടങ്ങളുമാണ് പറയുന്നത്. രാജ രാജ ചോളനായി ജയം രവിയാണ് എത്തുന്നത്. ആദിത്യ കരികാലനായി എത്തുന്നത് വിക്രമാണ്. വന്തിയ തേവനായി കാര്ത്തിയും, നന്ദിനി രാജകുമാരിയായി ഐശ്വര്യ റായിയും, കുന്ദവൈ രാഞ്ജിയായി തൃഷയും എത്തുന്നു.