സംഗീതലോകത്തെ ഗന്ധര്വ്വന് ലോകം മുഴുവനും അനുശോചനം രേഖപ്പെടുത്തിക്കൊണ്ടിരിക്കുകയാണ്. സിനിമാ, സംഗീതമേഖലകളിലുളളവരും അല്ലാത്തവരുമുള്പ്പെടെ ഈ അതുല്യഗായകന്റെ വിയോഗത്തില് ദുഖത്തിലാഴ്ന്നിരിക്കുകയാണ്. ഏഴു തലമുറകള് കഴിഞ്ഞാലും മറക്കാത്ത സംഗീതലോകത്തെ അതുല്യ പ്രതിഭയാണ് എസ്പിബിയെന്നും അദ്ദേഹത്തിന്റെ ശബ്ദത്തിന്റെ നിഴൽ പതിപ്പായി തനിക്ക് വളരെക്കാലം ജീവിക്കാൻ കഴിഞ്ഞുവെന്നും അതില് താന് ഏറെ അഭിമാനിക്കുന്നുവെന്നും കമല് ഹാസന് തന്റെ ഫെയ്സ്ബുക്കില് കുറിച്ചിരിക്കുന്നു.
ഈ ലോകം അവസാനിക്കുന്നതു വരെ ബാലു അണ്ണന് പാടിയ പാട്ടുകള്ക്കൊപ്പം ജീവിക്കുമെന്നും വളരെ നല്ല മനസ്സിന്റെ ഉടമയായിരുന്നു അദ്ദേഹമെന്നായിരുന്നു എം.ജി ശ്രീകുമാര് കുറിച്ചത്. അഭിനേതാക്കളായ മോഹന്ലാല്, മമ്മൂട്ടി, ഗാനരചയിതാവ് ശ്രീകുമാരന് തമ്പി, മുഖ്യമന്ത്രി പിണറായിവിജയന് തുടങ്ങി നിരവധി പേര് അനുശോടനം രേഖപ്പെടുത്തി.
