കോഴിക്കോട്: എറണാകുളത്തെ പോലീസ് നടപടിയിൽ ഉത്തരവാദിത്വമുള്ള സെക്രട്ടറിയെന്ന നിലയിൽ പെരുമാറിയിട്ടുണ്ടെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ. മുഖ്യമന്ത്രി അന്വേഷണം പ്രഖ്യാപിച്ചത് താൻ ആവശ്യപ്പെട്ടതുകൊണ്ടാണ്. എറണാകുളം ജില്ലാ കമ്മിറ്റിയുടെ ആവശ്യപ്രകാരമല്ലെന്നും കാനം രാജേന്ദ്രന് പറഞ്ഞു.
പരാതിയുണ്ടെങ്കിൽ പാർട്ടി ഘടകങ്ങളിലാണ് ഉന്നയിക്കേണ്ടത്. സെക്രട്ടറിക്കെതിരെ പോലും വിമർശനം ഉന്നയിക്കാം. വിമർശനങ്ങളിൽ വസ്തുതയുണ്ടെന്ന് ബോധ്യപ്പെട്ടാൽ സെക്രട്ടറിയായാലും നടപടി ഉണ്ടാവും. പോലീസ് നടപടി മുഖ്യമന്ത്രിവരെ തള്ളിപ്പറഞ്ഞിട്ടുണ്ട്. ഇതിൽ കൂടുതൽ എന്ത് വേണം. എല്ലാ ദിവസവും രാവിലെ എഴുന്നേറ്റ് പിണറായിയെ ചീത്തപറയാനാവില്ലെന്നും കാനം രാജേന്ദ്രന് പറഞ്ഞു.