കൊല്ലം: വിദ്യാർത്ഥികളെ ഉപയോഗിച്ച് കേരളത്തിലേക്ക് കോടിക്കണക്കിന് മയക്കുമരുന്ന് കടത്തിയിരുന്ന സംഘത്തിലെ പ്രധാന പ്രതികൾ കൊല്ലത്ത് പിടിയില്. ശൂരനാട് സ്വദേശി അനീഷ്, കല്ലേലിഭാഗം സ്വദേശി വൈശാഖ് എന്നിവരെയാണ് കരുനാഗപ്പള്ളി പോലീസ് അറസ്റ്റ് ചെയ്തത്. ബെംഗളൂരുവില് പഠിക്കുന്ന വിദ്യാര്ഥിനികളെ ഉപയോഗിച്ചാണ് പ്രതികൾ കേരളത്തിലേക്ക് മയക്കുമരുന്ന് എത്തിച്ചിരുന്നത്.
പോലീസ് ഇവരെ പിടികൂടുമ്പോഴും ഇവരുടെ കൈവശം 72 ഗ്രാം എംഡിഎംഎ ഉണ്ടായിരുന്നു. വൻ തോതിൽ ലഹരി മരുന്നുകള് എത്തിച്ച് കൊല്ലം ജില്ലയില് വിതരണം ചെയ്യുന്നതാണ് സംഘത്തിന്റെ പതിവ്. ഒരാഴ്ച്ചക്കിടയില് കരുനാഗപ്പള്ളിയില് മാത്രം എംഡിഎംഎ കടത്തു സംഘത്തിലെ എട്ടു പേരാണ് പിടിയിലായത്.
പോലീസിന് ലഭിച്ച രഹസ്യ വിവരത്തെ തുടർന്ന് കഴിഞ്ഞ ദിവസം ബെംഗളൂരിവില് പോയാണ് സംഘത്തിലെ പ്രധാനികളായ രണ്ടു പേരെ പോലീസ് പിടികൂടിയത്.