ദില്ലി : കേരള ഗവർണ്ണർ ആരിഫ് മുഹമ്മദ് ഖാൻ പ്രധാനമന്ത്രി നരേന്ദ്ര മോദിയെ സന്ദർശിച്ചു.കേരളത്തിന്‍റെ 24ആമത് ഗവർണ്ണറായി അടുത്തയിടെയാണ് ആരിഫ് മുഹമ്മദ് ഖാൻ ചുമതലയേറ്റത്. രാഷ്ട്രീയ ജീവിത കാലഘട്ടത്തിൽ നിരവധി പാർട്ടികൾക്ക് വേണ്ടി പ്രവർത്തിച്ചിട്ടുള്ള വ്യക്തിയാണ് ആരിഫ് മുഹമ്മദ് ഖാൻ. മുൻ പ്രധാനമന്ത്രി ചരൺ സിംഗിന്‍റെ റെവല്യൂഷണറി പാർട്ടിയിലും കോൺഗ്രസ്സിലും ബി എസ് പിയിലും അദ്ദേഹം പ്രവർത്തിച്ചിട്ടുണ്ട്.
എന്നാൽ കോൺഗ്രസ്സിന്റെ ന്യൂനപക്ഷ പ്രീണന നയങ്ങളെ നിശിതമായി വിമർശിച്ചു കൊണ്ട് പാർട്ടിയും സ്ഥാനമാനങ്ങളും ഉപേക്ഷിക്കാൻ തയ്യാറായ നേതാവാണ് ആരിഫ് മുഹമ്മദ് ഖാൻ.
കേരള ഗവർണ്ണർ ആരിഫ് മുഹമ്മദ് ഖാനോടൊപ്പം ഗുർദാസ്പുർ ബിജെപി എം പിയും ബോളിവുഡ് നടനുമായ സണ്ണി ഡിയോളും ഡൽഹിയിൽ പ്രധാനമന്ത്രി നരേന്ദ്ര മോദിയെ സന്ദർശിച്ചു.
