തിരുവനന്തപുരം: മസാലബോണ്ട് വിഷയത്തില് മുഖ്യമന്ത്രി പിണറായി വിജയനും ധനമന്ത്രി തോമസ് ഐസക്കും ഒളിച്ചുകളി നടത്തുന്നുവെന്ന് പ്രതിപക്ഷ നേതാവ് രമേശ് ചെന്നിത്തല. വസ്തുതകളില്നിന്ന് ഒഴിഞ്ഞു മാറുന്ന നടപടി തെറ്റെന്നും അദ്ദേഹം തിരുവനന്തപുരത്ത് നടത്തിയ വാര്ത്താസമ്മേളനത്തില് പറഞ്ഞു.
മസാല ബോണ്ടുമായി ബന്ധപ്പെട്ടു ജുഡീഷല് അന്വേഷണം നടത്തണമെന്നു അദ്ദേഹം ആവശ്യപ്പെട്ടു. മസാലബോണ്ടുമായി ബന്ധപ്പെട്ട ഫയലുകളും രേഖകളും പരിശോധിക്കുന്നതിനു യുഡിഎഫ് ചുമതലപ്പെടുത്തിയ എംഎല്എമാരായ എം.കെ. മുനീര്, വി.ഡി. സതീശന്, അനൂപ് ജേക്കബ്, റോഷി അഗസ്റ്റിന് എന്നിവര്ക്ക് അവസരം നല്കണമെന്നും അദ്ദേഹം ആവശ്യപ്പെട്ടു.
മന്ത്രിസഭയും നിയമസഭയും ഇടതുമുന്നണിയുമൊന്നും അറിയാതെ മുഖ്യമന്ത്രിയും ധനമന്ത്രിയും ജനങ്ങളുടെ പണം എസ്എന്സി ലാവ്ലിന് കന്പമ്പനിയില് ഷെയറുള്ള സിഡിപിക്യു കമ്പനിക്ക് വഴിവിട്ടു നല്കുകയാണ്. വന് അഴിമതിയാണ് ഇതുവഴി നടത്തുന്നതെന്നും ചെന്നിത്തല കുറ്റപ്പെടുത്തി.