കൊല്‍ക്കത്ത: ദുര്‍ഗാ പൂജയോട് അനുബന്ധിച്ച് ബംഗാളില്‍ ബുര്‍ജ് ഖലീഫയുടെ മാതൃകയില്‍ നിര്‍മിച്ച പൂജ പന്തലിലെ ലേസര്‍ ഷോ റദ്ദ് ചെയ്തു. കോവിഡ് ഭീതിയെ തുടര്‍ന്നാണ് ലേസര്‍ ഷോ റദ്ദ് ചെയ്തതെന്നാണ് റിപ്പോര്‍ട്ട്.
കൊൽക്കത്തയിലെ ശ്രീഭൂമി ക്ലബ് എല്ലാ വർഷവും പോലെ തന്നെ ഈ വർഷവും രസകരമായ ദുർഗാ പൂജ തീമുകൾ ഒരുക്കിയിരുന്നു. ഈ പ്രാവശ്യം പന്തൽ ഒരുക്കിയത് ബുര്‍ജ് ഖലീഫയുടെ മാതൃകയിലാണ്.
എയര്‍പോര്‍ട്ടിന് സമീപമുള്ള ലേസര്‍ ഷോ കാഴ്ചയ്ക്ക് തടസമുണ്ടാക്കുമെന്ന പൈലറ്റുമാരുടെ പരാതിയെ തുടര്‍ന്നാണ് മാറ്റിയതെന്നും റിപ്പോര്‍ട്ടുകളുണ്ട്.
ആള്‍ക്കൂട്ടം തങ്ങളുടെ നിര്‍ദ്ദേശം ചെവികൊള്ളാത്തതുകൊണ്ട് സപ്തമി ദിവസത്തെ ലേസര്‍ ഷോ മാറ്റിവെച്ചെന്നാണ് സംഘാടകര്‍ പറഞ്ഞത്.
ദുബായിലെ 828 മീറ്റര്‍ ബുര്‍ജ് ഖലീഫ ടവറിന്റെ മാതൃകയിലുള്ള 150 അടി വിസ്തീര്‍ണ്ണത്തിലാണ് പൂജ പന്തല്‍ നിര്‍മ്മിച്ചിരുന്നത്.
പോലീസിനോടും ബന്ധപ്പെട്ട അധികൃതരോടും ബന്ധപ്പെട്ട ശേഷമാണ് ലേസര്‍ ഷോ നിര്‍ത്തിയത്.
