ദില്ലി: രാജ്യത്തിൻറെ സമ്പദ് വ്യവസ്ഥയ്ക്ക് ശക്തിപകരാൻ ലക്ഷ്യമിട്ടുള്ള പി.എം ഗതി ശക്തി പരിപാടിക്ക് തുടക്കമിട്ട് പ്രധാനമന്ത്രി നരേന്ദ്ര മോദി. അടിസ്ഥാന സൗകര്യങ്ങള് മെച്ചപ്പെടുത്തി വിവിധ തലത്തിലുള്ള കണക്ടിവിറ്റി സാധ്യമാക്കുന്ന നൂറ് കോടി രൂപയുടെ ദേശീയ മാസ്റ്റര് പ്ലാനിനാണ് രൂപം നല്കിയത്.ശക്തിയെ ആരാധിക്കുന്ന അഷ്ടമി ദിവസമായ ഇന്ന് രാജ്യത്തിന്റെ വികസന വേഗം പുതിയ ശക്തി കൈവരിക്കുകയാണെന്ന് സമ്മേളനത്തെ അഭിസംബോധന ചെയ്യവേ പ്രധാനമന്ത്രി പറഞ്ഞു.
മാത്രമല്ല മെച്ചപ്പെട്ട അടിസ്ഥാന സൗകര്യങ്ങള് ഇല്ലെങ്കില് വികസനം സാധ്യമാകില്ല. ഇന്ത്യയിലെ ജനത, വ്യവസായങ്ങള്, വാണിജ്യ മേഖല, നിര്മാതാക്കാള്, കൃഷിക്കാര് എന്നിവരാണ് ഗതി ശക്തിയുടെ ഈ മഹത്തായ ക്യാംപെയ്നിന്റെ കേന്ദ്രമെന്നും അദ്ദേഹം വ്യക്തമാക്കി. കൂടാതെ അടിസ്ഥാന സൗകര്യവികസനം മെച്ചപ്പെടുത്തി ചരക്കുനീക്കത്തിന് വേണ്ടി വരുന്ന അധിക ചെലവ് ഒഴിവാക്കാന് ഇതുവഴി സാധിക്കും. കാര്ഗോ നീക്കം വേഗത്തിലാക്കി കുറഞ്ഞ സമയത്തിനുള്ള ചരക്ക് ലക്ഷ്യസ്ഥാനത്ത് എത്തിക്കാന് കഴിയുന്നത് സമ്പദ് വ്യവസ്ഥയ്ക്ക് കരുത്തുപകരും. വിവിധ വകുപ്പുകളെ ഏകോപിപ്പിച്ച് ഒരു കുടക്കീഴില് കൊണ്ടുവരിക എന്നതാണ് ഈ പദ്ധതിയുടെ ലക്ഷ്യം.
അതേസമയം മുൻകാലങ്ങളിൽ നികുതിദായകരുടെ പണത്തെ അപമാനിക്കുന്ന സമീപനമാണ് സ്വീകരിച്ചിരുന്നത്. മാത്രമല്ല ഈ പണത്തിന് യാതൊരു വിലയും കല്പ്പിക്കാത്ത വിധം ഉദാസീനമായ നിലപാടാണ് സ്വീകരിച്ചിരുന്നത്. യാതൊരു താത്പര്യവുമില്ലാത്ത വിധത്തിലാണ് വികസന പദ്ധതികള്ക്കായി തുക വിനിയോഗിച്ചത്. പദ്ധതി നിര്വഹണത്തില് വകുപ്പുകള് തമ്മില് ഏകോപനം ഉണ്ടായിരുന്നില്ലെന്നും അദ്ദേഹം ഓര്മിപ്പിച്ചു.