കൂടത്തായി കൊലപാതക പരമ്പരയിലെ അവസാന കുറ്റപത്രം ഇന്ന് സമര്പ്പിക്കും. ജോളി ആദ്യം കൊലപ്പെടുത്തിയ അന്നമ്മ തോമസിന്റെ കേസിലാണ് കുറ്റപത്രം. നായയെ കൊല്ലാന് ഉപയോഗിക്കുന്ന ഡോഗ് കില് വിഷം ആട്ടിന്സൂപ്പില് കലര്ത്തി കൊലപാതകം നടത്തിയെന്നാണ് പൊലീസ് കണ്ടെത്തല്. ജോളി മാത്രമാണ് കേസില് പ്രതി. വിദ്യാഭ്യാസ യോഗ്യത സംബന്ധിച്ച് പറഞ്ഞിരുന്ന കള്ളത്തരം പുറത്ത് വരുമെന്ന ഭയമാണ് കൊലപാതകത്തിന് കാരണമെന്ന് കുറ്റപത്രത്തില് പറയുന്നു.
2012 ആഗസ്റ്റ് 22ന് അന്നമ്മ തോമസിനെ കൊലപ്പെടുത്തിയാണ് കൂടത്തായി കൊലപാതക പരമ്പര തുടങ്ങുന്നത്. ജോളിയുടെ ആദ്യ ഭര്ത്താവ് റോയ് തോമസിന്റെ മാതാവാണ് അന്നമ്മ. വിദ്യാഭ്യാസ യോഗ്യത സംബന്ധിച്ച് പറഞ്ഞിരുന്ന കള്ളത്തരം പുറത്ത് വരുമെന്ന ഭയമാണ് കൊലപാതകത്തിന് കാരണമെന്ന് കുറ്റപത്രത്തില് പറയുന്നു. നായയെ കൊല്ലാന് ഉപയോഗിക്കുന്ന ഡോഗ് കില് എന്ന വിഷം ആട്ടിന്സൂപ്പില് കലര്ത്തി നല്കിയാണ് കൊലപാതകം നടത്തിയത്.
വിഷത്തിന്റെ മണം അറിയാതിരിക്കാന് തലേ ദിവസം തന്നെ സൂപ്പില് ഇത് കലക്കിവെച്ചന്ന് കുറ്റപത്രത്തില് പറയുന്നു. അന്നമ്മയ്ക്ക് സ്ഥിരമായി ആട്ടിന് സൂപ്പ് കഴിക്കുന്ന ശീലമുണ്ടായിരുന്നത് ജോളിക്ക് കാര്യങ്ങള് എളുപ്പമാക്കി. വിഷം വാങ്ങാനായി കോഴിക്കോട് ജില്ലാ മൃഗാശുപത്രിയില് നിന്ന് ജോളി കുറിപ്പടി വാങ്ങിയതിന്റെ രേഖയാണ് കേസിലെ പ്രധാന തെളിവ്.
മറ്റ് അഞ്ച് കേസുകളിലും രണ്ട് പ്രതികള് കൂടി ജോളിക്കൊപ്പമുണ്ടായിരുന്നങ്കിലുംഅന്നമ്മ തോമസ് കേസില് ജോളി മാത്രമാണ് പ്രതിയായിട്ടുളളത്. താമരശ്ശേരി ഒന്നാം ക്ലാസ് ജുഡീഷ്യല് മജിസ്ട്രേറ്റ് കോടതിയിലാണ് കുറ്റപത്രം നല്കുക.
