തിരുവനന്തപുരം: കെ എസ് ആര് ടി സി സാമ്പത്തിക പ്രതിസന്ധി പരിഹരിച്ചില്ലെങ്കില് ഈ മാസം 28ന് സൂചന പണിമുടക്ക് നടത്തുമെന്ന് യൂണിയനുകള് പ്രഖ്യാപിച്ചു. ഈ മാസം 19 മുതല് ചീഫ് ഓഫീസുകള്ക്ക് മുന്നില് ശക്തമായ സമരം നടത്തുമെന്ന് സി ഐ ടി യു അറിയിച്ചു.
ശമ്പള വിതരണം അഞ്ചാം തീയതി കടക്കരുതെന്ന വ്യവസ്ഥ ലംഘിച്ച കെ എസ് ആര് ടി സി മാനേജ്മെന്റിനെ പിരിച്ചുവിടണമെന്നും സി ഐ ടി യു ചൂണ്ടിക്കാട്ടി. സബ്സിഡിയില്ലാതെ ബസ്സുകൾക്ക് മുന്നോട്ടുപോകാനില്ലെന്നും സി ഐ ടി യു അഭിപ്രായപ്പെട്ടു.
ഇതുവരെ മാര്ച്ച് മാസത്തെ ശമ്പള കുടിശ്ശിക പോലും കെ എസ് ആര് ടി സിയില് നൽകിയിട്ടില്ല. പ്രതിസന്ധി പരിഹരിക്കാന് ധനവകുപ്പ് ഇന്നലെ പണം അനുവദിച്ചെങ്കിലും ഇന്നും നാളെയും അവധി ദിനമായതിനാല് ജീവനക്കാര്ക്ക് വിഷുവിന് ശമ്ബളം ലഭിക്കില്ല.