മാവേലിക്കരയില്‍ പൊലീസ് ഉദ്യോഗസ്ഥയെ പെ​ട്രോ​ൾ ഒ​ഴി​ച്ച് തീ​കൊ​ളു​ത്തി കൊ​ന്നു: പ്രതി പൊലീസുകാരനായ അജാസ്

മാവേലിക്കര: മാവേലിക്കര വള്ളികുന്നത്ത് വനിത പൊലീസ് ഉദ്യോഗസ്ഥയെ പെട്രോള്‍ ഒഴിച്ച് തീകൊളുത്തി കൊന്നു. വള്ളികുന്നം സ്റ്റേഷൻ സിപിഒ സൗമ്യ പുഷ്കരൻ(31) ആണ് കൊല്ലപ്പെട്ടത്. മാവേലിക്കര വള്ളിക്കുന്നം സ്വദേശിയാണ് സൗമ്യ. എറണാകുളം കാക്കനാട് സ്വദേശി അജാസ് ആണ് ​മനു​ഷ്യ​ മ​ന​സാ​ക്ഷി​യെ ന​ടു​ക്കി​യ ആക്രമണത്തിനു പിന്നില്‍. ആലുവ ട്രാഫിക് പൊലീസ് സ്റ്റേഷനിലെ ഉദ്യോഗസ്ഥനാണ് അജാസ്.

ശനിയാഴ്ച വൈകിട്ടായിരുന്നു സംഭവം. വള്ളികുന്നം സ്റ്റേഷനില്‍ നിന്ന് വീട്ടിലേക്ക് സ്കൂട്ടറിൽ വരികയായിരുന്നു സൗമ്യ. പിന്നാലെ കാറിലെത്തിയ അജാസ് തന്‍റെ കാറുകൊണ്ട് കൊണ്ട് സൗമ്യയെ ഇടിച്ചുവീഴ്ത്തി. അ​ജാ​സി​നെ ക​ണ്ട സൗ​മ്യ വീ​ട്ടി​ലേ​ക്ക് പ്രാ​ണ​ര​ക്ഷാ​ർ​ഥം ഓ​ടി. എ​ന്നാ​ൽ പി​ന്തു​ട​ർ​ന്നെ​ത്തി​യ അ​ജാ​സ് വ​ടി​വാ​ൾ ഉ​പ​യോ​ഗി​ച്ച് സൗ​മ്യ​യെ വെ​ട്ടി​വീ​ഴ്ത്തി​യ ശേ​ഷം പെ​ട്രോ​ൾ ഒ​ഴി​ച്ച് തീ​കൊ​ളു​ത്തി.

തീ ​ആ​ളി​പ്പ​ട​ർ​ന്ന് അ​ജാ​സി​നും പൊ​ള്ള​ലേ​റ്റു. ശ​രീ​ര​മാ​സ​ക​ലം തീ​പി​ടി​ച്ച സൗ​മ്യ സം​ഭ​വ​സ്ഥ​ല​ത്തു​ത​ന്നെ മ​രി​ച്ചു. നാ​ട്ടു​കാ​ർ എ​ത്തി​യാ​ണ് അജാസിനെ പി​ടി​കൂ​ടി​യ​ത്. മൃതദേഹം ഇപ്പോഴും സംഭവസ്ഥലത്തു തന്നെയാണ്. ജില്ലാ പോലീസ് സൂപ്രണ്ട് ഉള്‍പ്പെടെയുള്ള ഉന്നത ഉദ്യോഗസ്ഥര്‍ സ്ഥലത്തെത്തി ഇന്‍ക്വസ്റ്റ് നടത്തിയ ശേഷമേ മൃതദേഹം മാറ്റുവെന്ന് അധികൃതര്‍ അറിയിച്ചു.

മൂന്ന് കുട്ടികളുടെ അമ്മയാണ് സൗമ്യ. ഭര്‍ത്താവ് വിദേശത്ത് ജോലി ചെയ്യുകയാണ്. വ​ള്ളി​കു​ന്നം സ്റ്റേ​ഷ​നു സ​മീ​പ​മാ​ണ് സൗ​മ്യ​യു​ടെ വീ​ട്. ഉ​ച്ച​ക്ക് ര​ണ്ട​ര​യോ​ടെ​യാ​ണ് ജോ​ലി ക​ഴി​ഞ്ഞ സൗ​മ്യ വീ​ട്ടി​ലെ​ത്തി​യ​ത്. ഇതിനുശേഷം സ്‌കൂട്ടറിൽ പുറത്തിറങ്ങിയപ്പോഴാണ് അതിദാരുണമായ സംഭവം നടന്നത്.