കൽപറ്റ : വയനാട് തലപ്പുഴയിൽ കുഴിബോംബ് കണ്ടെത്തി . കമ്മ്യൂണിസ്റ്റ് ഭീകര സാന്നിധ്യം സജീവമായ മേഖലയാണിത്. മക്കിമല മേഖലയിൽ ഫെൻസിങ് പരിശോധിക്കാൻ പോയ വനംവകുപ്പ് വാച്ചർമാരാണ് ഫെൻസിങ്ങിനോട് ചേർന്ന് സംശയാസ്പദമായ രീതിയിൽ ചില വസ്തുക്കൾ കുഴിച്ചിട്ട നിലയിൽ കണ്ടത്. തുടർന്ന് ഇവർ പോലീസിനെ വിവരമറിയിക്കുകയും പോലീസ് സ്ഥലത്തെത്തി നടത്തിയ പരിശോധനയിൽ ഇവ സ്ഫോടന വസ്തുക്കളാകാം എന്ന നിഗമനത്തിൽ ബോംബ് സ്ക്വാഡിന് വിവരം കൈമാറുകയുമായിരുന്നു.
കണ്ണൂരിൽ നിന്നടക്കം ബോംബ് സ്ക്വാഡ് എത്തി പരിശോധനയ്ക്കൊടുവിൽ ഇവ നിർവീര്യമാക്കി. പശ്ചിമ ഘട്ട കബനീദളത്തില് പെട്ട മാവോവാദി സംഘത്തിന്റെ സാന്നിധ്യം റിപ്പോര്ട്ട് ചെയ്യപ്പെട്ട പ്രദേശമാണിത്. തണ്ടർബോൾട്ട് സംഘം പെട്രോളിംഗ് നടത്തിയിരുന്ന സ്ഥലത്തിന് സമീപമാണ് ബോംബ് കണ്ടെത്തിയിരിക്കുന്നത്. തണ്ടർബോൾട്ട് സംഘത്തെ അപായപ്പെടുത്താനുള്ള കമ്മ്യൂണിസ്റ്റ് ഭീകരരുടെ നീക്കമായിരുന്നു ഇതെന്നാണ് കരുതുന്നത്.

