ആരോഗ്യഗുണങ്ങള് ഒട്ടനവധിയാണ് നാരങ്ങയ്ക്ക്. ചൂട് ചെറുനാരങ്ങ വെള്ളം വളരെ നല്ലതാണ്. സിട്രിക് ആസിഡ്, വൈറ്റമിന് സി, ബയോ-ഫ്ളേവനോയിഡ്സ്, മെഗ്നീഷ്യം, കാത്സ്യം, പൊട്ടാസ്യം, പെക്റ്റിന് എന്നിവ ധാരാളം അടങ്ങിയ പാനീയമാണ് നാരങ്ങാവെള്ളം.
ശരീരത്തിന് പ്രതിരോധശക്തി നല്കുകയും, തൈറോയ്ഡ് ഗ്രന്ഥി, വൃക്കഗ്രന്ഥികള്, ലസീക ഗ്രന്ഥി എന്നിവയെ അണുവിമുക്തമാക്കാനും, എല്ലുകള്ക്ക് ശക്തി നല്കാനും ചൂട് ചെറുനാരങ്ങ വെള്ളത്തിന് കഴിയും.
അപകടങ്ങള് പറ്റിയാല് അത് ഉണങ്ങാനും ഈ പാനീയം സഹായിക്കും. ശരീരത്തിലെ വിഷാംശം ഇല്ലാതാക്കാനും ഇത് സഹായിക്കും. നാരങ്ങകള് അസിഡിറ്റി കൂടിയവയാണെന്ന് തോന്നുമെങ്കിലും, അവ ശരീരത്തിന്റെ പിഎച്ച് സന്തുലിതമാക്കാന് വളരെ സഹായിക്കുന്നു. മാത്രമല്ല, കരളിന്റെ പ്രവർത്തനങ്ങളെ ഉണര്ത്തുകയും മോശമായ വിഷവസ്തുക്കളെ പുറന്തള്ളുകയും ചെയ്യുന്നു.
ഈ പാനീയം ദഹനനാളത്തെ ഉത്തേജിപ്പിക്കുകയും ദിവസം മുഴുവന് പോഷകങ്ങള് ആഗിരണം ചെയ്യാനുള്ള ശരീരത്തിന്റെ കഴിവ് മെച്ചപ്പെടുത്തുകയും, ഭക്ഷണം എളുപ്പത്തിൽ ദഹിക്കാൻ സഹായിക്കുകയും ചെയ്യുന്നു.
