കോഴിക്കോട് : വടകരയിൽ മിന്നൽ ചുഴലിയെ തുടർന്ന് വ്യാപക നാശനഷ്ടം. വടകര സ്റ്റാൻഡ് ബാങ്ക്സിൽ നിരവധി കെട്ടിടങ്ങളുടെ മേൽക്കൂരകൾ ശക്തമായ കാറ്റിൽ പറന്നുപോയി. ഇന്ന് വൈകീട്ടോടെയായിരുന്നു മിന്നൽ ചുഴലി ഉണ്ടായത്.
കെട്ടിടങ്ങൾക്ക് മേൽ സ്ഥാപിച്ചിരുന്ന ഷീറ്റ് കൊണ്ടുള്ള മേൽക്കൂരകൾ വാഹനങ്ങൾക്ക് മേൽ വീണു. ഇതിൽ ചില വാഹനങ്ങൾക്ക് കേടുപാടുകൾ സംഭവിച്ചു. വാഹനങ്ങളുടെ ചില്ലുകൾ തകർന്നു. പലയിടത്തും മരം വീണ് വൈദ്യുതി ബന്ധവും ഗതാഗതവും തടസ്സപ്പെട്ടു. കുറ്റ്യാടി , കാതോട് ഭാഗങ്ങളിലാണ് മരം വീണ് ഗതാഗതം തടസ്സപ്പെട്ടത്. അതേസമയം, കനത്തമഴയിൽ ജില്ലയിൽ വ്യാപക നാശനഷ്ടമാണ് ഉണ്ടായിട്ടുള്ളത്. ശക്തമായ മഴയിൽ ഇതുവരെ 33 വീടുകൾക്ക് നാശനഷ്ടം ഉണ്ടായതായാണ് വിവരം.
