തൃശൂരിൽ മിന്നൽ ചുഴി, വ്യാപക നാശനഷ്ടം

തൃശൂർ: ജില്ലയിൽ മിന്നൽ ചുഴി. വരന്തരപ്പിള്ളി, നന്തിപുലം, ആറ്റപ്പിള്ളി മേഖലകളിലാണ് മിന്നൽ ചുഴലി . മിന്നൽ ചുഴലിയിൽ വ്യാപക നാശ നഷ്ടമുണ്ടായി . മരങ്ങൾ കടപുഴകി വീണു. ഇലക്ട്രിക് പോസ്റ്റുകൾ തകർന്നു.

തോട്ടം പ്രദേശങ്ങൾ ആയതു കൊണ്ടു തന്നെ ഇവിടെ ഒട്ടേറെ മരങ്ങൾ കടപുഴകി വീണു. ജനവാസ മേഖലയിലും വലിയ നാശനഷ്ടം ഉണ്ടായിട്ടുണ്ട്. ഒരാളുടെ വീട് പൂർണമായി നശിച്ചു. മുകുന്ദപുരം താലൂക്കിലും നാശനഷ്ടങ്ങൾ ഉണ്ടായിട്ടുണ്ട്.

തൃശൂർ ജില്ലയിൽ കഴിഞ്ഞ മൂന്ന് മാസത്തിനിടെ അഞ്ചിലധികം തവണയാണ് മിന്നൽ ചുഴലി ഉണ്ടായത്. എല്ലാം വ്യത്യസ്ത സ്ഥലങ്ങളിലാണ്. പ്രവചനാതീതമായതിനാലാണ് ഇതിന്റെ അപകട സാധ്യത വർധിക്കുന്നതെന്ന് വിദഗ്ധർ വ്യക്തമാക്കുന്നു.