ബംഗാളില്‍ ദീദിയുടെ വ്യാജ മതവിദ്വേഷ പ്രചരണം; ക്രിസ്മസിന് അവധിയില്ല എന്ന മമതയുടെ കളളപ്രസ്താവന പൊളിച്ചടുക്കി സോഷ്യല്‍ മീഡിയ

കൊല്‍ക്കത്ത: ബംഗാളില്‍ മമതയുടെ വ്യാജ മതവിദ്വേഷ പ്രചരണം. ക്രിസ്മസ് അവധിക്കാലത്തെക്കുറിച്ച് ബംഗാൾ മുഖ്യമന്ത്രി മമത ബാനർജി നടത്തിയ പ്രസ്താവന വ്യാജമെന്നാണ് റിപ്പോർട്ടുകൾ പുറത്തു വന്നിരിക്കുന്നത്. ബിജെപിയെ ‘മതവിദ്വേഷി’കളെന്ന് ആരോപിച്ച് മമത നടത്തിയ പ്രസ്താവനയാണ് അടിസ്ഥാനരഹിതമെന്ന് തെളിവുസഹിതം സോഷ്യൽ മീഡിയ പൊളിച്ചടുക്കിയിരിക്കുന്നത്.

മമതയുടെ വിവാദ പ്രസ്താവന ഇങ്ങനെയായിരുന്നു: ‘യേശുക്രിസ്തുവിന്റെ ജന്മദിനം ദേശീയ അവധി അല്ലാത്തത് എന്തുകൊണ്ടാണ്? യേശു ചെയ്ത തെറ്റെന്ത്? എന്തുകൊണ്ടാണ് ബിജെപി സർക്കാർ ഇതു പിൻവലിച്ചത്? എല്ലാവർക്കും മതവികാരങ്ങളുണ്ട്. ക്രിസ്ത്യാനികൾ എന്ത് ദോഷം ചെയ്തു? ഇന്ത്യയിൽ മതേതരത്വം ഉണ്ടോ? ഒരു മത വിദ്വേഷ രാഷ്ട്രീയമാണ് ബിജെപി നടത്തുന്നത്. ഇതിൽ ഞാൻ ഖേദിക്കുന്നു.’- മമത പറഞ്ഞതായാണ് എഎൻഐ റിപ്പോർട്ട് ചെയ്തിരിക്കുന്നത്.

അതേസമയം, ക്രിസ്തുമസിന് ഇപ്പോഴും ദേശീയ അവധിയുണ്ടെന്ന് സോഷ്യൽ മീഡിയ ഓർമിപ്പിക്കുന്നു. അവധി പ്രമാണിച്ച് ബാങ്ക്, സ്കൂൾ, കോളേജ് തുടങ്ങിയ എല്ലാ സർക്കാർ സംവിധാനങ്ങളും അന്ന് അവധിയാണ്. ഇതുപോലും മനസ്സിലാക്കാതെയാണ് ഒരു സംസ്ഥാനത്തിന്‍റെ മുഖ്യമന്ത്രിയുടെ അടിസ്ഥാനരഹിതമായ പ്രസ്താവന എന്നത് തീർത്തും ലജ്ജാവഹം തന്നെയാണ്.