പാലാ: പ്രായപൂർത്തിയാകാത്ത പശ്ചിമബംഗാളിലേക്ക് കടത്താൻ ശ്രമിച്ച 20 കാരനെ പോലീസ് അറസ്റ്റ് ചെയ്തു. സമൂഹ മാധ്യമത്തിലൂടെ പരിചയപ്പെട്ട 17 കാരിയെ വിവാഹവാഗ്ദാനം നല്കിയാണ് പശ്ചിമബംഗാളിലേക്ക് കടത്താൻ ശ്രമിച്ചത്.
സംഭവത്തിൽ പശ്ചിമബംഗാള് കച്ചിബാര് മത്താബാംഗ്ലയില് മുഷിഗഞ്ചില് ഐനുള് ഹഖിനെ പൊലീസ് അറസ്റ്റ് ചെയ്തു. പശ്ചിമബംഗാള് സ്വദേശിയായ പെണ്കുട്ടി 17 വര്ഷമായി പാലായില് ആണ് താമസിക്കുന്നത്. പെൺകുട്ടിയെ പ്രണയം നടിച്ച് തട്ടിക്കൊണ്ടുപോകാൻ ശ്രമിച്ച പ്രതിയെ കോട്ടയം റെയില്വേ സ്റ്റേഷനില് നിന്നാണ് പിടികൂടിയത്.
പെണ്കുട്ടിയെ കാണാതായതോടെ മാതാപിതാക്കള് പാലാ ഡിവൈ.എസ്.പി ഷാജു ജോസിന് പരാതി നല്കുകയായിരുന്നു. ഇതോടെ സൈബര് സെല്ലിന്റെ സഹായത്തോടെ നടത്തിയ പരിശോധനയിലാണ് പെണ്കുട്ടിയും പ്രതിയും കോട്ടയം റെയില്വേ സ്റ്റേഷനില് ഉണ്ടെന്ന് കണ്ടെത്തിയത്. ഇതിനു ശേഷം കാര്യങ്ങള് പറഞ്ഞ് ബോധ്യപ്പെടുത്തിയശേഷം കുട്ടിയെ മാതാപിതാക്കള്ക്കൊപ്പം വിട്ടയച്ചു.
സംഭവത്തിൽ പ്രതിക്കെതിരെ പോക്സോ വകുപ്പുകള് പ്രകാരവും പ്രായപൂര്ത്തിയാകാത്ത കുട്ടിയെ തട്ടിക്കൊണ്ടുപോയതിനും കേസ് രജിസ്റ്റര് ചെയ്തു. പാലാ എസ്.എച്ച്.ഒ കെ.പി. ടോംസണിന്റെ നേതൃത്വത്തിലെ പൊലീസ് സംഘം ആണ് പ്രതിയെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി.
