അടൂര്: പ്രണയം നടിച്ച് വശീകരിച്ച പതിനേഴുകാരിയെ പീഡിപ്പിക്കുകയും ഭീഷണിപ്പെടുത്തി പെണ്കുട്ടിയുടെ സ്വര്ണവും പണവും തട്ടിയെടുക്കുകയും ചെയ്തത യുവാവ് പിടിയിൽ. നാദിമംഗലം മാരൂര് കണ്ടത്തില്പറമ്പില് വീട്ടില് ആര് അജിത്ത് (21) ആണ് അടൂര് പോലീസിന്റെ (Police) പിടിയിലായത്. ഇന്സ്റ്റഗ്രാം വഴി പരിചയപ്പെട്ട ശേഷം പ്രണയം നടിച്ച് പ്രലോഭിപ്പിച്ച് പെണ്കുട്ടിയെ പ്രതി വശത്താക്കുകയായിരുന്നു.
പെണ്കുട്ടിയുടെ കിടപ്പുമുറിയില് അതിക്രമിച്ചു കയറി ലൈംഗിക പീഡനത്തിന് വിധേയയാക്കി. ഇത് മൊബൈലില് പകര്ത്തിയശേഷം, സമൂഹ മാധ്യമങ്ങളിലൂടെ പ്രചരിപ്പിക്കുമെന്ന് ഭീഷണിപ്പെടുത്തി പെണ്കുട്ടിയുടെ സ്വര്ണവും പണവും തട്ടിയെടുക്കുകയും ചെയ്തതായാണ് പരാതി. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
