തിരുവനന്തപുരം: മരടിലെ ഫ്ലാറ്റ് നിര്മാതാക്കള്ക്കെതിരെ ക്രിമിനല് കേസെടുക്കാന് മന്ത്രിസഭാ യോഗത്തില് തീരുമാനം. ഫ്ലാറ്റ് ഉടമകള്ക്കുള്ള നഷ്ടപരിഹാരം നിര്മാതാക്കളില് നിന്ന് ഈടാക്കി നല്കാനും മന്ത്രിസഭായോഗം തീരുമാനിച്ചിട്ടുണ്ട്.
മൂന്ന് മാസത്തിനകം ഫ്ലാറ്റുകള് പൊളിച്ചു നീക്കേണ്ടി വരുമെന്നതിനാല് ഫ്ലാറ്റുകള് പൊളിക്കുന്നതിനുള്ള കര്മ പദ്ധതികള് സുപ്രീംകോടതിയെ അറിയിക്കാനും യോഗത്തില് തീരുമാനമായി.
ഫ്ലാറ്റുടമകളെ പുനരധിവസിപ്പിക്കുന്ന കാര്യത്തില് പദ്ധതികള് തയാറാക്കാനും മന്ത്രിസഭാ യോഗം തീരുമാനിച്ചു. മരട് ഫ്ലാറ്റ് വിഷയം പ്രധാന അജണ്ടയായിരുന്ന യോഗത്തില് സുപ്രീംകോടതി വിധി സംബന്ധിച്ച തീരുമാനങ്ങള് ചീഫ് സെക്രട്ടറി ടോം ജോസ് റിപ്പോര്ട്ട് ചെയ്തു.
