മുംബൈ: ക്യാബ് സേവനദാതാക്കളായ യൂബറിന്റെ സുരക്ഷാ സംവിധാനത്തെക്കുറിച്ച് ശനിയാഴ്ച രാത്രി വീണ്ടും ചോദ്യചിഹ്നം ഉയർത്തി മറാത്തി, ഹിന്ദി ചലച്ചിത്ര നടൻ മാനവ നായിക്കിന്റെ സോഷ്യൽ മീഡിയ പോസ്റ്റ്.തന്റെ സവാരിക്കിടെ ഒരു യൂബർ ഡ്രൈവർ തന്നോട് മോശമായി പെരുമാറുക മാത്രമല്ല, ഗുരുതരമായ പ്രത്യാഘാതങ്ങൾ നേരിടേണ്ടിവരുമെന്ന് ഭീഷണിപ്പെടുത്തുകയും ചെയ്തുവെന്ന് താരം ആരോപിച്ചു.
ശനിയാഴ്ച രാത്രി തന്റെ സോഷ്യൽ മീഡിയ പോസ്റ്റിൽ മുഴുവൻ സംഭവവും വിവരിച്ച മാനവ നായിക്, താൻ ഊബർ കസ്റ്റമർ കെയറിൽ വിളിച്ചപ്പോൾ ലൈൻ തിരക്കിലായിരുന്നുവെന്ന് ആരോപിച്ചു. ശനിയാഴ്ച വൈകുന്നേരമാണ് സംഭവം. സംഭവത്തെക്കുറിച്ച് സിറ്റി പോലീസ് ഗൗരവമായി എടുത്തിട്ടുണ്ടെന്നും കുറ്റക്കാർക്കെതിരെ ഉടൻ നടപടിയെടുക്കുമെന്നും മുംബൈ ജോയിന്റ് പോലീസ് കമ്മീഷണർ (ലോ ആൻഡ് ഓർഡർ) വിശ്വാസ് നംഗ്രെ പാട്ടീൽ പോസ്റ്റിന് മറുപടി നൽകി.
