തിരുവനന്തപുരം: മലയിൻകീഴിൽ ഫ്രൂട്ട്സ് കച്ചവടത്തിന്റെ മറവിൽ എംഡിഎംഎ കച്ചവടം നടത്തിയ യുവാവ് പിടിയിൽ. എട്ടുരുത്തി സ്വദേശി ശ്യാമാണ് എക്സൈസിന്റെ പിടിയിലായത്. ബിവറേജ് ഔട്ട്ലെറ്റിന് മുൻവശത്തെ ഫ്രൂട്ട്സ് കച്ചവടത്തിന്റെ മറവിലായിരുന്നു ഇയാൾ ലഹരി കച്ചവടം നടത്തിയത്. കാട്ടാക്കട എക്സൈസ് റെയിഞ്ച് ഇൻസ്പെക്ടർ രതീഷിന്റെ നേതൃത്വത്തിലുള്ള എക്സൈസ് സംഘമാണ് യുവാവിനെ പിടിച്ചത്. 650 ഗ്രാം എംഡിഎംഎയുമായാണ് പ്രതിയെ പിടികൂടുന്നത് നഗരത്തിലെ കരിമഠം ഭാഗത്തു നിന്നാണ് പ്രതി എംഡിഎംഎ എത്തിച്ചത് എന്ന് എക്സൈസ് അറിയിച്ചു. ഇങ്ങനെ എത്തിക്കുന്ന ലഹരിവസ്തുക്കൾ കാട്ടാക്കട മലയൻകീഴ് ഭാഗങ്ങളിലെ യുവാക്കൾക്ക് വിൽപ്പന നടത്തുകയാണ് ഇയാൾ ചെയ്യുന്നത്.
എക്സൈസ് സംഘത്തിന് ഇതിനെക്കുറിച്ചുള്ള രഹസ്യ വിവരം ലഭിച്ചിരുന്നു. അതിന്റെ അടിസ്ഥാനത്തിലാണ് ഇയാളെ നിരീക്ഷിച്ചത്. പ്രതിക്ക് എംഡിഎംഎ നൽകിയ സംഘത്തെ കുറിച്ചും എക്സൈസ് അന്വേഷിക്കുന്നുണ്ട്.