കോഴിക്കോട് : തൊട്ടില്പ്പാലത്തുനിന്ന് ഇന്ന് രാവിലെ മുതൽ കാണാതായ കോളേജ് വിദ്യാർത്ഥിനിയെ ആള്പ്പാര്പ്പില്ലാത്ത വീട്ടില് വിവസ്ത്രയാക്കി കെട്ടിയിട്ടനിലയില് കണ്ടെത്തി.കുട്ടിയുടെ കൈകാലുകൾ ബന്ധിച്ച് കെട്ടിയിട്ടിരുന്ന ആള്പ്പാര്പ്പില്ലാത്ത ഈ വീട്ടില്നിന്ന് മാരക ലഹരി മരുന്നായ എംഡിഎംഎയും കണ്ടെടുത്തിട്ടുണ്ട്.
കോളേജിലേക്ക് പോയ പെണ്കുട്ടിയെ തട്ടിക്കൊണ്ടുപോയി ഉപേക്ഷിച്ചതാണെന്നാണ് പ്രാഥമിക വിവരം. മൊബൈല്ടവര് കേന്ദ്രീകരിച്ച് നടത്തിയ അന്വേഷണത്തിലാണ് ആള്ത്താമസമില്ലാത്ത വീട്ടില് വിവസ്ത്രയാക്കി കെട്ടിയിട്ടനിലയില് കണ്ടെത്തിയത്. സമീപ പ്രദേശത്തെ ലഹരിക്കടിമയായ യുവാവാണ് സംഭവത്തിന് പിന്നിലെന്നാണ് ലഭിക്കുന്ന വിവരം. ഇയാൾക്കായുള്ള തെരച്ചിൽ ആരംഭിച്ചതായും ഉടൻ തന്നെ ഇയാള് പിടിയിലാകുമെന്നും പോലീസ് അധികൃതർ അറിയിച്ചു. പെണ്കുട്ടിയെ കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചു. കുട്ടിയുടെ ആരോഗ്യനില തൃപ്തികരമാണ്. പെണ്കുട്ടിയില് നിന്ന് വിശദമായ മൊഴി ലഭിക്കുന്നതോടെ സംഭവത്തിന്റെ കൂടുതൽ വിവരങ്ങൾ പുറത്തു വരുമെന്നാണ് കരുതുന്നത്.
