കൊച്ചി: പെരിയ ഇരട്ടക്കൊലപാതകക്കേസില് മുന് എംഎല്എ കെ വി കുഞ്ഞിരാമനും പ്രതിയാകും. കേസുമായി ബന്ധപ്പെട്ട് കഴിഞ്ഞ ഒക്ടോബറില് കുഞ്ഞിരാമനെ സി ബി ഐ ചോദ്യം ചെയ്തിരുന്നു. ഇതിന് പിന്നാലെയാണ് ഇപ്പോള് പ്രതി ചേര്ത്തത്. കുഞ്ഞിരാമൻ പ്രതികൾക്ക് സഹായം ചെയ്തു നൽകിയെന്ന് സി.ബി.ഐ പറഞ്ഞു. സിപിഎം നേതാവായ കെ വി കുഞ്ഞിരാമന് നിലവില് കാസര്കോട് ജില്ലാ സെക്രട്ടേറിയറ്റ് അംഗമാണ്. കേസിലെ 21-ാം പ്രതിയാണ് കുഞ്ഞിരാമന്.
കുഞ്ഞിരാമന് അടക്കം അഞ്ചു പ്രതികള്ക്കും കേസില് പങ്കുണ്ടെന്നാണ് സിബിഐ കോടതിയെ അറിയിച്ചത്. നേരത്തെ അറസ്റ്റിലായ പ്രതികള്ക്ക് ഇവര് സഹായം നല്കിയതായി സിബിഐ കോടതിയെ അറിയിച്ചു. കേസില് പത്ത് പേരെ പ്രതി ചേര്ത്തതായി സി ബി ഐ കോടതിയെ അറിയിച്ചു. ക്രൈംബ്രാഞ്ച് അറസ്റ്റ് ചെയ്ത 14 പേര്ക്ക് പുറമെയാണിത്. പത്തില് അഞ്ചുപേരുടെ അറസ്റ്റ് രേഖപ്പെടുത്തി. ബാക്കിയുള്ളവരുടെ അറസ്റ്റ് അനിവാര്യമല്ലെന്നും സി ബി ഐ കോടതിയെ അറിയിച്ചു.
